У міліцыю звярнуліся супрацоўнікі ЖЭС па дапамогу ў забеспячэнні аховы грамадскага парадку пры выбыцці ў кватэру, дзе пражывае… кабан.
У адну з жыллёва-эксплуатацыйных службаў Фрунзенскага раёна Мінска пачалі паступаць скаргі ад жыхароў дома па праспекту Пушкіна аб тым, што ў суседа ёсць кабан, які перашкаджае спакойнаму пражыванню грамадзян.
Прадстаўнікамі ЖЭС і супрацоўнікамі міліцыі было ўстаноўлена, што сапраўды ў кватэры ў 45-гадовага непрацуючага мужчыны на балконе жыве кабан. Як патлумачыў гаспадар жывёлы, ён набыў яго на рынку, каб не было сумна, бо ў кватэры жыве адзін, паведамілі ў Фрунзенскім РУУС г. Мінска.
Прадстаўнікамі ЖЭС ў дачыненні да мужчыны быў складзены акт для прыцягнення яго ў наступным да адміністрацыйнай адказнасці па арт. 21.16 Кодэкса Рэспублікі Беларусь аб адміністрацыйных правапарушэннях (парушэнне правілаў карыстання жылымі памяшканнямі).
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?