Вы тут

Анатоль Сівак: Мы дзвюма рукамі за бездазвольную сістэму


Мінтранс Беларусі зацікаўлены ў тым, каб перайсці на бездазвольную сістэму з трэціх краін для перавозчыкаў у рамках Еўразійскага эканамічнага саюза. Такую пазіцыю агучыў міністр транспарту і камунікацый Анатоль Сівак.


Ён нагадаў, што ў рамках ЕАЭС падпісана адпаведнае пагадненне, згодна з якім такія дазволы з 2025 года будуць непатрэбныя. «Хацелася б, каб мы дасягнулі таго, пра што дамаўляліся ў ЕАЭС, хоць бы да 2025 года. Але нашы пажаданні — і раней», — сказаў Анатоль Сівак. Прэс-канферэнцыя была прысвечана развіццю транспартнай інфраструктуры і планам да 2020 года.

Аўтамабілі

Летась набыта звыш 340 аўтобусаў (у тым ліку 20 электробусаў у Мінску) і 40 тралейбусаў. Для павышэння хуткасцяў руху гарадскога пасажырскага транспарту вядуцца работы па арганізацыі выдзеленых палос для руху аўтобусаў і тралейбусаў на вуліцах Мінска і Брэста.

Прыпыначныя пункты пасажырскага транспарту ў Мінску, Гомелі і Брэсце паэтапна абсталююцца электроннымі інфармацыйнымі табло. Удасканальваюцца тэхнічныя сродкі аўтаматызаванага кіравання рухам гарадскога пасажырскага транспарту. Ажыццяўляецца будаўніцтва трэцяй лініі Мінскага метрапалітэна.

Водны транспарт

Міністр адзначыў, што ў найбліжэйшыя гады плануецца пачаць рэканструкцыю суднаходных шлюзаў «Перасекчы» і «Оўзічы» на Дняпроўска-Бугскім канале, будаўніцтва Усць-Ветліцкага гідравузла, а таксама будаўніцтва базы тэхнічнага абслугоўвання суднаў у верхнім б'ефе Гродзенскай ГЭС.

Сёлета прыняты на баланс пабудаваны ў рамках будаўніцтва Віцебскай ГЭС суднаходны шлюз на рацэ Заходняя Дзвіна. Падыходзіць да завяршэння рэканструкцыя суднаходнага шлюза «Рагадошч» на Дняпроўска-Бугскім канале, а таксама будаўніцтва прычалаў мінеральна-будаўнічых грузаў рачнога порта за межамі горада Брэста «Ямна».

Авіяцыя

Сёлета завершана рэалізацыя трох этапаў інвестыцыйнага праекта па абнаўленні парку паветраных суднаў. Плануецца завяршэнне будаўніцтва ў Нацыянальным аэрапорце Мінск другой штучнай узлётна-пасадачнай паласы.

Да будаўніцтва новага пасажырскага тэрмінала ў Нацыянальным аэрапорце Мінск прапануецца прыступіць пасля завяршэння ІІ Еўрапейскіх гульняў.

Дарожная гаспадарка

На мясцовых аўтамабільных дарогах у бягучым годзе плануецца завяршыць рэканструкцыю на 7 кіламетрах дарог і 106 пагонных метрах мастоў, выканаць бягучы рамонт 1725 км дарог і 325 пагонных метраў мастоў.

Налета будзе працягвацца работа па рэканструкцыі аўтамабільнай дарогі М-6 Мінск — Гродна — мяжа Польшчы (Брузгі). З Еўрапейскім інвестыцыйным банкам прапрацоўваецца пытанне па фінансаванні рэканструкцыі аўтамабільнай дарогі М-7 Мінск — Ашмяны — мяжа Літвы (Каменны Лог).

Цяпер прапрацоўваецца пытанне развіцця аўтамагістралі Санкт-Пецярбург — Мінск. Яе стварэнне дазволіць скараціць адлегласць паміж гэтымі гарадамі на 132 км у параўнанні з традыцыйным маршрутам. Па тэрыторыі краіны маршрут прапануецца пракласці ад Мінска па аўтамабільнай дарозе М-3 Мінск — Віцебск (да Лепеля), далей па Р-46 Лепель — Полацк — мяжа Расійскай Федэрацыі (Юхавічы) праз Полацк да мяжы з Расіяй з выхадам на аўтамабільную дарогу А-117.

Мост адкрыюць да 7 лістапада

Адказваючы на пытанні журналістаў, міністр транспарту і камунікацый адзначыў, што рух па мосце цераз раку Прыпяць у Жыткавіцкім раёне адкрыюць да 7 лістапада.

Рух па гэтым мосце быў закрыты на год у снежні 2017 года. Па словах Анатоля Сівака, задача па яго ўводзе ў эксплуатацыю будзе выканана ў тэрмін. «Прыпяцкі мост практычна завершаны. Да лістапада ён будзе ўведзены ў эксплуатацыю. Дакладней, нават будзе адкрыты рух па гэтым мосце», — сказаў міністр. Таксама фактычна завершаны работы па мосце цераз Сож (траса М-8 — мяжа Расіі — Віцебск — Гомель — мяжа Украіны). Анатоль Сівак адзначыў, што стан маставых збудаванняў сёння з'яўляецца адным з прыярытэтных пытанняў для Мінтранса. Ён нагадаў, што ў цэлым у Беларусі стаіць задача па рэканструкцыі 32 мастоў.

Хуткасны трамвай да «Вялікага каменя»

Мінтранс выступае з прапановай, каб на трасе ў напрамку Нацыянальнага аэрапорта Мінск, якая пройдзе праз Беларуска-кітайскі індустрыяльны парк, быў прадугледжаны шлях для хуткаснага трамвая. Гаворка ідзе пра будаўніцтва дарогі ў працяг вуліцы Ваўпшасава.

«Пакуль гэта нават не перадпраектная прапрацоўка, — падкрэсліў Анатоль Сівак. — Ідзе абмеркаванне ў цэлым канструкцыі такой дарогі. Мінтранс, напрыклад, выступае з прапановай, каб гэтая дарога будавалася не проста як аўтамабільная, але каб там адразу будаваўся шлях для хуткаснага трамвая на падзяляльнай паласе». Міністр звярнуў увагу, што пакуль такога аб'екта няма ў праграме «Дарогі Беларусі». Цяпер толькі абмяркоўваецца пытанне аб уключэнні яго ў згаданую праграму і хто будзе выступаць заказчыкам», — сказаў ён, адзначыўшы, што казаць пра тэрміны рэалізацыі гэтага праекта заўчасна.

Сяргей КУРКАЧ

Фота БЕЛТА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.