20 кастрычніка, аўторак

Вы тут

Прайшоў фестываль моладзі прыгранічча «З чаго пачынаецца Радзіма?»


У Віцебску ўпершыню прайшоў фестываль моладзі прыгранічча «З чаго пачынаецца Радзіма?». Адным з заснавальнікаў і арганізатараў выступіў абласны Савет дэпутатаў.


Вы­стаў­ка,  што праходзіла ў рам­ках фо­ру­му мо­ла­дзі, зацікавіла нават  замежных студэнтаў.

Цікава, што ў маштабнай акцыі бралі ўдзел студэнты, маладыя педагогі, навукоўцы не толькі з Віцебшчыны і суседніх расійскіх рэгіёнаў, але і здалёку. Напрыклад, з Томска, Омска, Валгаграда і нават Улан-Удэ...

Як падкрэсліў старшыня аблсавета Уладзімір Цярэнцьеў, мясцовая ўлада з радасцю падтрымала ідэю правесці мерапрыемства. На яго погляд, фэст можа стаць пачаткам для рэалізацыі іншых сумесных праектаў.

Напрыклад, у свой час у Віцебску праводзіўся фестываль «Студэнцкая вясна», які вельмі падабаўся як удзельнікам, так і гараджанам. І яго можна ў найбліжэйшай перспектыве адрадзіць у новым фармаце. Тым больш што падтрымку ў рэалізацыі сумесных праектаў абяцалі ў маладзёжных арганізацыях дзвюх краін: Расійскім саюзе моладзі, БРСМ і прадстаўніцтве Рассупрацоўніцтва ў Беларусі.

У рамках фэсту адбыліся розныя акцыі. Напрыклад, хлопцы і дзяўчаты высадзілі дрэвы ў парку каля канцэртнай залы «Віцебск». Правялі круглыя сталы з удзелам маладых журналістаў, конкурс медыяпраектаў. Працавалі «дыскусійныя пляцоўкі». Адбыліся і сустрэчы будучых дыпламатаў і парламентарыяў, расійска-беларускі злёт маладых настаўнікаў.

Многіх зацікавілі выстаўкі творчасці студэнцкай моладзі, археалагічнай і іншых калекцый, якія належаць Віцебскаму дзяржаўнаму ўніверсітэту імя П. М. Машэрава.

У якасці ганаровых гасцей на міждзяржаўную маладзёжную акцыю былі запрошаны парламентарыі Беларусі і Расіі, прадстаўнікі органаў дзяржаўнай улады розных узроўняў, дэпутаты мясцовых Саветаў.

Падчас урачыстай цырымоніі закрыцця фестывалю найбольш актыўных удзельнікаў узнагародзілі дыпломамі, прызамі і памятнымі падарункамі.

Аляксандр ПУКШАНСКІ

Выбар рэдакцыі

Культура

Франтавiк Мiхаiл Чэпiк эксперыментаваў з аэражывапiсам

Франтавiк Мiхаiл Чэпiк эксперыментаваў з аэражывапiсам

Як хлапчук з беларускай глыбiнкi здолеў паступiць у Маскоўскае мастацкае вучылiшча iмя Калiнiна?

Грамадства

Экс вiцэ-прэм'ер Уладзiмiр Дражын: Галоўнае — не разбурыць, а захаваць i працягнуць работу

Экс вiцэ-прэм'ер Уладзiмiр Дражын: Галоўнае — не разбурыць, а захаваць i працягнуць работу

Аб альтэрнатыве клайпедскаму порту, рэканструкцыi Нясвiжскага палаца i роднай мове падчас сямейных сустрэч.

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.