Адзін чалавек выратаваны і 10 эвакуіраваны падчас начнога пажару ў Мінску, гаворыцца на сайце МНС Беларусі.
Паведамленне пра дым з кватэры на першым паверсе пяціпавярховага дома ў Мінску на вуліцы Галадзеда паступіла ў МНС каля 5 гадзін ночы. Калі да месца выкліку прыбылі падраздзяленні МНС, па знешніх прыкметах нічога не назіралася. Падчас разведкі звяном газадымаахоўнай службы ў калідоры без прытомнасці знайшлі гаспадыню кватэры. У жылым пакоі гарэла канапа на плошчы 2 кв.м. Жанчыну вынеслі на свежае паветра і перадалі брыгадзе хуткай медыцынскай дапамогі. Пасля агляду пацярпелую шпіталізавалі ў гарадскую бальніцу з папярэднім дыягназам "атручэнне прадуктамі гарэння". З верхніх паверхаў былі эвакуіраваны яшчэ 10 жыхароў дома, яны не пацярпелі.
Пажар ліквідаваны. У выніку ўзгарання пашкоджана маёмасць у пакоі.
Прычына здарэння высвятляецца. Папярэдняя версія - неасцярожнае абыходжанне з агнём пры курэнні гаспадыні кватэры.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.