Дзяржаўтаінспекцыя сёння і на выходных правядзе масіраваную адпрацоўку аўтадарогі М-1 Брэст — Мінск — граніца РФ, паведамілі ва УДАІ МУС. Яна пачнецца 9 лістапада з 15.00.
Падчас адпрацоўкі асаблівую ўвагу ДАІ надасць выяўленню і спыненню фактаў перавышэння ўстаноўленай хуткасці руху, парушэнням правіл абгону, правіл перавозкі пасажыраў (у асаблівасці дзяцей), эксплуатацыі сельскагаспадарчай тэхнікі, парушэнням ППД пешаходамі і веласіпедыстамі, выяўленню кіроўцаў-бяспраўнікаў і вадзіцеляў, якія кіруюць аўтамабілем у стане алкагольнага ап'янення.
Адпрацоўка аўтадарогі М-1 працягнецца да позняга вечара 11 лістапада. Нарады ДПС будуць выстаўлены там, дзе часцей за ўсё парушаюцца правілы, а таксама ў месцах канцэнтрацыі дарожна-транспартных здарэнняў. Будзе прымяняцца галосны, негалосны і змешаны кантроль.
Рэйдавыя групы спецпадраздзялення ДПС "Страла" адпрацуюць раёны Віцебскай і Гомельскай абласцей з найбольш наружанай дарожнай абстаноўкай.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
