Вы тут

Крэдыты на жыллё раптам падаражэлі


А яшчэ ў самым вялікім банку краіны прыпынілі выдачу пазык на набыццё жылля

Справа ў тым, што Беларусбанк з 8 лістапада павысіў працэнтныя стаўкі па крэдытах на жыллё. Раней крэдыт на ўмовах, вызначаных банкам, можна было аформіць пад стаўку 13 % гадавых (стаўка рэфінансавання плюс 3 працэнтныя пункты). З чацвярга такі крэдыт дадуць ужо пад 15 % гадавых (стаўка рэфінансавання плюс 5 працэнтных пунктаў). Аб гэтым паведамляецца на сайце банка.


А яшчэ на сайце гэтай фінансавай установы гаворыцца, што «з 8 лістапада да 31 снежня (уключна) гэтага года прыём новых заяў грамадзян (заявак на крэдыт) на выдачу крэдытаў на набыццё жылых памяшканняў (часткі жылога памяшкання, выдзеленай у асобнае жылое памяшканне (ізаляваны жылы пакой), долі ў праве ўласнасці на жылое памяшканне), за выключэннем крэдытаў на набыццё па дагаворах куплі-продажу жылых памяшканняў, пабудаваных па дзяржаўным заказе, прыпынены».

Дарэчы, падаражэлі крэдыты не толькі на набыццё жылля, але таксама і на будаўніцтва — прыкладна на 2 працэнты. З гэтага ж дня ў Беларусбанку прыпынілі заключэнне новых дагавораў тэрміновага адзыўнога банкаўскага ўкладу ў беларускіх рублях «Класік адзыўны на 35 дзён», а таксама перастаюць заключаць новыя дагаворы па некаторых тэрміновых укладах у нацыянальнай валюце.

Асобныя фінансавыя аналітыкі звязваюць такое падаражанне са зменамі ў Банкаўскім кодэксе, якія ўступілі ў сілу 29 кастрычніка гэтага года. Банкі цяпер не могуць змяняць працэнты па крэдытах у аднабаковым парадку, а таксама навязваць кліенту дадатковую паслугу, не даўшы права выбару.

Сяргей КУРКАЧ

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры у творчую майстэрню?

Як ператварыць звычайны ўрок беларускай літаратуры у творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.