Вы тут

Са стужкі навін


Новая пасада Уладзіміра Сямашкі

Вядомы дзяржаўны дзеяч Уладзімір Сямашка прызначаны Надзвычайным і Паўнамоцным Паслом Рэспублікі Беларусь у Расійскай Федэрацыі, па сумяшчальніцтве — паўнамоцным прадстаўніком Беларусі пры Эканамічным савеце СНД і пры АДКБ, спецыяльным прадстаўніком Беларусі па пытаннях інтэграцыйнага супрацоўніцтва ў рамках Саюзнай дзяржавы, ЕАЭС, СНД, АДКБ. 

Пасля прызначэння на новую пасаду Уладзімір Сямашка прызнаўся журналістам: ён адразу пагадзіўся на прапанову Прэзідэнта краіны, бо сябе не ўяўляе без працы. Што да беларуска-расійскіх адносін, то Пасол падкрэсліў: Расія была, ёсць і будзе асноўным гандлёва-эканамічным партнёрам Беларусі. Ён нагадаў, што з ніякай іншай краінай у Беларусі такога тавараабароту, як з Расіяй, няма. І сёлета ён ужо склаў каля 35 мільярдаў долараў.

Нагадаем, што з 2014 па жнівень 2018 года Уладзімір Сямашка працаваў на пасадзе намесніка Прэм’ер-міністра Беларусі, раней займаў пасаду першага віцэ-Прэм’ера. Ва Урадзе курыраваў сферы прамысловасці і паліўна-энергетычнага комплексу.

Магілёўшчына як партнёр Казахстана

Калі 14 лістапада ў Магілёве адкрывалася Ганаровае консульства Казахстана, ва ўрачыстай цырымоніі паўдзельнічалі Пасол Казахстана ў Беларусі Ермухамет Ертысбаеў і старшыня Магілёўскага аблвыканкама Уладзімір Даманеўскі. Казахстанскі дыпламат адзначыў, што адкрыццё консульства ў Магілёве?не?выпадковае: вобласць — вельмі буйны гандлёвы партнёр Казахстана. Ён звярнуў увагу на тое, што вобласць і Казахстан звязваюць цесныя міжрэгіянальныя сувязі. Напрыклад, дамовы аб супрацоўніцтве заключаны паміж Магілёўскай вобласцю і Усходне-Казахстанскай, Паўднёва-Казахстанскай, пагадненне аб супрацоўніцтве маюць Магілёў і Сямей (да 2007-га — Сяміпалацінск).

На тэрыторыі вобласці жыве больш за 400 грамадзян Казахстана. “Адкрыццё Ганаровага консульства, на наш погляд, надасць новы імпульс развіццю ўсебаковага супрацоўніцтва”, — лічыць дыпламат. Уладзімір Даманеўскі пацвердзіў: Казахстан — адзін з асноўных эканамічных партнёраў Магілёўшчыны. Гадавы знешнегандлёвы абарот паміж гаспадарчымі суб’ектамі вобласці і Казахстана, мяркуецца, сёлета перавысіць 100 млн долараў. “Мы ўпэўненыя, што гэта не мяжа, і разлічваем, што адкрыццё консульства будзе спрыяць актывізацыі нашага супрацоўніцтва”, — выказаў упэўненасць старшыня аблвыканкама. Ганаровым консулам у Магілёў прызначаны ўраджэнец Мінска Сяргей Дземяшкевіч. З 2005 года ён мае від на жыхарства ў Казахстане, жыве ў сталіцы Беларусі. Ён — уладальнік і дырэктар Гандлёвага дома “Керамін Астана”, уладальнік кампаніі “Керамір” (Астана). З 2008 года — намеснік старшыні і генеральны сакратар Беларускай федэрацыі барацьбы.

Для пенсіі мяжа — не перашкода

У Фондзе сацыяльнай абароны насельніцтва Беларусі паведамілі: цэнтральны апарат фонду ажыццяўляе выплату пенсій 26367 замежным пенсіянерам Украіны, Польшчы, Літвы, Латвіі, Расіі, якія жывуць у Беларусі, а таксама 6937 нашым суайчыннікам, якія жывуць у Ізраілі, Іспаніі, Польшчы, ЗША, Германіі, Расіі, Латвіі, Літве. Пры тым найбольш беларусаў, якія атрымліваюць беларускую пенсію за мяжой, — у Латвіі (4029) і Расіі (2468). Сярод тых, на каго ў Беларусь прыходзіць пенсія з-за мяжы, пераважаюць расіяне (23725), латышы (1720) і літоўцы (905).

На выплаты пенсій і дапамог беларусам, якія выехалі за мяжу, а таксама замежнікам, якія прыбылі ў Беларусь, паводле міжнародных дамоваў сёлета ў бюджэце фонду запланавана больш за 90 млн беларускіх рублёў. Налічэнне й выплата пенсій беларусам, якія жывуць за мяжой, адбываюцца ў адпаведнасці з заключанымі пагадненнямі. Дарэчы, амаль з усімі краінамі, што ўтварыліся на тэрыторыі былога СССР (за выключэннем Грузіі ды Эстоніі) у Беларусі заключана пагадненне па пенсійным забеспячэнні. Прычым з Эстоніяй такі дакумент — прапрацоўваецца.

Ганна Лагун — паводле матэрыялаў БелТА

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Рагачук: Дзеці ў пясочніцах на касцях гуляць не будуць

Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.