Вы тут

Колькі можна зарабіць у Баранавічах і раёне?


Паводле інфармацыі дзяржаўнай службы занятасці, баранавіцкая аб'яднаная газета «Наш край» прааналізавала вакансіі, якія існуюць у рэгіёне.


Усяго тут патрабуюцца 1762 работнікі розных галін. У агульнарэспубліканскім банку размешчана 1109 вакансій па горадзе і 653 па раёне.

З павелічэннем 1 студзеня мінімальнага заработку ўзровень самых нізкааплатных прафесій на поўную стаўку узрос з 305 да 330 рублёў.

Адна з самых апошніх вакансій з заробкам у 330 рублёў у раёне з'явілася 4 студзеня. Аператар жывёлагадоўчых комплексаў і механізаваных фермаў з агульнай сярэдняй адукацыяй патрабуецца на Баранавіцкі камбінат хлебапрадуктаў у вёсцы Цяплівады. З такой жа сціплай аплатай працы шукаюць інжынера-праграміста з вышэйшай адукацыяй у Брэсцкае абласное кадэцкае вучылішча ў вёсцы Ястрамбель.

З заробкам у 330—350 рублёў размешчана 40 вакансій у Баранавіцкім раёне.

Ад 1000 рублёў — 7 аб'яў. Самая «гарачая» ад 27 снежня 2018 года. Начальнік, які патрабуецца ў Баранавіцкае райпо (аг. Мір), павінен мець вышэйшую адукацыю. Кіроўцу аўтамабіля ААТ «Волахва-транс» з такім жа заробкам не могуць знайсці з 27 снежня 2017 года.

Што датычыцца вакансій па горадзе, то зарплату ад 1000 рублёў абяцаюць 23 саіскальнікам, сярод якіх большая частка — швачкі.

Наймальнік ЗАТ «Беллестэхмантаж» гатовы заплаціць галоўнаму бухгалтару 3000 рублёў. Патрабаванняў да кандыдата нямала: вышэйшая адукацыя, працоўны досвед ад 8 гадоў, дадатковы вопыт у аўдытарскай кампаніі з міжнароднай акрэдытацыяй ад 3 гадоў і многія іншыя. Астатнія высокааплатныя вакансіі па горадзе размешчаны на сайце значна раней, у лістападзе і кастрычніку 2018 года.

Загаловак у газеце: Бухгалтар у цане

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.