Пекінскі аэрапорт адзін з самых загружаных у свеце.
Колькасць пасажыраў, якіх абслужыў пекінскі міжнародны аэрапорт Шоўду цягам мінулага года, перавысіла адзнаку ў 100 млн чалавек, перадае “Жэньмінь жыбаа” анлайн”.
Такім чынам, Шоўду стаў першым у краіне аэрапортам з гадавой прапускной здольнасцю пасажырскіх тэрміналаў больш за 100 млн чалавек у год і другім пасля Хартсфілд-Джэксан Атланта аэрапортам з такім пасажырапатокам у свеце. Аэрапорт Шоўду мае тры тэрміналы, тры ўзлётна-пасадачныя паласы і два камандна-дыспетчарскіх пункта. Авіярэйсы 105 авіяперавозчыкаў звязваюць яго са 160 айчыннымі і 136 замежнымі паветранымі гаванямі.
Аэрапорт Шоўду быў уведзены ў эксплуатацыю ў 1958 годзе. Дзейсныя тэрміналы былі адкрыты ў 1980-м, 1999-м і 2008-м гадах. У перыяд з 1978-га па 2018-ты яго пасажырапаток штогод у сярэднім павялічыўся на 12,1 працэнта. Пры гэтым аб'ём перавозак грузаў і пошты аэрапорта вырас з 34 тыс. тон ў 1978 годзе да больш чым 2 млн тон у 2018-м. Шоўду ужо дзевяць гадоў запар займае другое месца ў спісе самых загружаных у свеце аэрапортаў.
Сумесныя праекты ядзерных тэхналогій.