Вы тут

Стагоддзе з дня ўтварэння БССР адзначылі ў Магілёве маштабным канцэртам


І ўшанаваннем лепшых.


Шэраг прадстаўнікоў розных галін дзейнасці былі ўзнагароджаны памятнымі медалямі за ўклад у развіццё вобласці, яшчэ пяць жанчын атрымалі ордэны Маці за выхаванне пяці і болей дзяцей. Сярод тых, каму ўручылі ўзнагароды, Герой Сацыялістычнай Працы Аляксандр Байкоў, поўныя кавалеры ордэнаў Працоўнай Славы Людміла Палевіч і Ніна Пятрэнка.

Дамінантай свята стаў маштабны тэатралізаваны канцэрт на сцэне Палаца культуры вобласці. Творчыя калектывы зрабілі рэканструкцыю галоўных падзей з жыцця вобласці, а на экране тым часам дэманстраваліся кадры яе гераічнага мінулага. Будоўлі стагоддзя, бязлітасная вайна, гераічная абарона Магілёва, аднаўленне — усё гэта прайшло чырвонай ніткай перад вачамі магіляўчан за некалькі гадзін відовішчнага канцэрта.

Магілёўская вобласць, дарэчы, з'явілася на карце Савецкага Саюза таксама 15 студзеня, але на год раней. З яе існаваннем звязана шмат значных і лёсавызначальных падзей. За свае ратныя і працоўныя подзвігі Магілёў узнагароджаны ордэнам Айчыннай вайны першай ступені, Бабруйск — ордэнам Працоўнага Чырвонага Сцяга, а вобласць — ордэнам Леніна. У 1991 годзе Магілёўшчына стала часткай суверэннай Беларусі. Сёння Прыдняпроўскі край валодае значным шматгаліновым экспартна-арыентаваным прамысловым патэнцыялам і з'яўляецца адным з найбуйнейшых культурных рэгіёнаў Беларусі.

Нэлі ЗІГУЛЯ

Загаловак у газеце: З гісторыі — у сучаснасць

Выбар рэдакцыі

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.

Грамадства

Франтавы повар аб тым, чым кармілі чырвонаармейцаў

Франтавы повар аб тым, чым кармілі чырвонаармейцаў

Разам з карэспандэнтам «Звязды» ветэран Вялікай Айчыннай вайны франтавы повар Ганна Воранава ўспомніла пра самыя шчаслівыя і самыя горкія моманты жыцця.

Эканоміка

Як зберагчы ўласныя фінансы ў падарожжы

Як зберагчы ўласныя фінансы ў падарожжы

Неад'емным аксесуарам вандроўкі сёння з'яўляецца плацежная картка.

Грамадства

Ці лёгка быць маладым дырэктарам школы?

Ці лёгка быць маладым дырэктарам школы?

Поспех установы адукацыі — заслуга педкалектыву, а няўдача — памылка яе кіраўніка.