Вы тут

Мінчанка з сужыцелем здзяйсніла крадзеж з уласнай кватэры


Пры ўстанаўленні асоб, якія мелі дачыненне да кватэрнага крадзяжу з узломам дзвярэй на тэрыторыі Фрунзенскага раёна сталіцы, у поле зроку супрацоўнікаў міліцыі трапілі гаспадыня гэтага жылля і яе сужыцель.


Фота: ДУУС.

Праз пару дзён зламыснікі былі затрыманы. Імі былі непрацуючы 35-гадовы мінчанін, раней неаднаразова судзімы за злачынствы маёмаснага характару, а таксама за злачынствы, звязаныя з незаконным абаротам наркатычных сродкаў, і яго 38-гадовая сужыцелька, таксама раней судзімая за незаконны абарот наркатычных сродкаў.

Аператыўнікамі было ўстаноўлена, што незадоўга да здарэння жанчына здала сваю двухпакаёвую кватэру двум маладым людзям. Напярэдадні дня нараджэння зламысніцы, скарыстаўшыся адсутнасцю наймальнікаў у кватэры, пара здзейсніла крадзеж: у гаспадыні меўся другі камплект ключоў. У мэтах адводу ад сябе падазрэнні, яны ўзламалі металічныя ўваходныя дзверы і выкралі бытавую і лічбавую тэхніку, грашы ў памеры 3850 долараў ЗША, 1200 расійскіх і 100 беларускіх рублёў, а таксама адзенне і абутак. Напрыканцы паласаваліся плаўленым сырам наймальнікаў жылля.

Акрамя гэтага, на здымнай кватэры аператыўнікамі было выяўлена і канфіскавана 0,2 грама асабліва небяспечнага псіхатропнага рэчыва "Альфа – PVP”.

На скрадзеныя грошы фігуранты знялі кватэру на вуліцы Гурскага ў Мінску, дзе і былі затрыманы супрацоўнікамі міліцыі. Вядома, што частка сумы мужчына выдаткаваў на дарагі падарунак сваёй каханай — залаты пярсцёнак з дыяментам, паведамілі ў ГУУС Мінгарвыканкама.

Супрацоўнікі міліцыі ўстанаўліваюць абставіны набыцця псіхатропаў.

Сяргей РАСОЛЬКА

Выбар рэдакцыі

Грамадства

Успаміны бортмеханіка верталёта пра Афганістан

Успаміны бортмеханіка верталёта пра Афганістан

У лётнай кніжцы Сяргея Пацкевіча — 970 гадзін налёту.