Шырокая грашовая маса ў Беларусі, якая ўключае наяўныя грошы ў абарачэнні, сродкі насельніцтва і прадпрыемстваў на рахунках у банках, на 1 сакавіка склала Br43,3796 млрд, павялічыўшыся ў параўнанні з паказчыкам на 1 лютага на 1,9 працэнта. Такія даныя размешчаны на сайце Нацыянальнага банка Беларусі, паведамляе БЕЛТА.
Аб'ём наяўных грошай у абароце (грашовы агрэгат M0) за люты вырас да Br2,926 млрд, або на 2 працэнты.
Актыўная рублёвая грашовая маса - грашовы агрэгат M1, які ўключае наяўныя грошы ў абароце і пераводныя дэпазіты ў нацыянальнай валюце (сродкі на бягучых рублёвых рахунках, уклады да запатрабавання ў рублях, іншыя рахункі ў рублях), - у лютым вырасла на 4,6 працэнта і склала Br7,8897 млрд.
Грашовы агрэгат М2 (грашовая маса ў нацыянальным вызначэнні), які ўключае агрэгат М1 і іншыя (тэрміновыя, умоўныя) дэпазіты ў нацыянальнай валюце, на 1 сакавіка склаўся на ўзроўні Br15,3747 млрд, павялічыўшыся за люты на 3 працэнты.
Аб'ём каштоўных папер, выпушчаных банкамі (па-за банкаўскім абаротам) у нацыянальнай валюце, за люты вырас да Br1,173 млрд, або на 23,4 працэнта.
Рублёвая грашовая маса (грашовы агрэгат М2*), якая акрамя агрэгату М1 уключае іншыя (тэрміновыя, умоўныя) рублёвыя дэпазіты, сродкі насельніцтва і юрыдычных асоб у рублёвых каштоўных паперах, на 1 сакавіка склала Br16,548 млрд і вырасла за мінулы месяц на 4,3 працэнта.
Аб'ём каштоўных папер, выпушчаных банкамі (па-за банкаўскім абаротам) у замежнай валюце, за люты вырас да Br2,0457 млрд, або на 0,5 працэнта.
Сумесныя праекты ядзерных тэхналогій.
