У беларуска-польскім бізнес-форуме, які пройдзе ў Мінску 26 сакавіка, прымуць удзел больш за 100 бізнесменаў дзвюх краін. Пра гэта БЕЛТА паведамілі ў Беларускай гандлёва-прамысловай палаце.
Плануецца, што ў мерапрыемстве таксама прымуць удзел старшыня БелГПП Уладзімір Улаховіч, прэзідэнт Польскай гаспадарчай палаты Анджэй Арандарскі, старшыня Пастаяннай камісіі Савета Рэспублікі Нацыянальнага сходу па міжнародных справах і нацыянальнай бяспецы Сяргей Рахманаў. На бізнес-форуме будуць разгледжаны перспектывы беларуска-польскага гандлёва-эканамічнага ўзаемадзеяння, адбудуцца прэзентацыі дзелавога клімату дзвюх краін.
Запланаваны В2В-перамовы паміж прадстаўнікамі беларускіх дзелавых колаў і польскіх прадпрыемстваў, якія працуюць у сферах будаўніцтва, укаранення біягазавых тэхналогій, вытворчасці прадуктаў харчавання, тытунёвай прадукцыі, аўтазапчастак, мэблі, прадукцыі з чыгуну, абсталявання для харчовай прамысловасці.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
