Вы тут

Затрыманы экс-міністр Расіі, выхадзец з Беларусі Міхаіл Абызаў


Былому міністру па пытаннях адкрытага ўрада Расіі Міхаілу Абызаву прад'явілі абвінавачванні. Пра гэта lenta.ru паведаміла афіцыйны прадстаўнік Следчага камітэта Расіі Святлана Пятрэнка.


Фота tvc.ru

Яна ўдакладніла, што яму інкрымінуецца стварэнне злачыннай супольнасці з выкарыстаннем службовага становішча, а таксама махлярства ў асабліва буйным памеры. Абызаў затрыманы, у бліжэйшы час будзе вырашацца пытанне аб меры стрымання.

Міхаіл Абызаў быў затрыманы супрацоўнікамі Федэральнай службы бяспекі 26 сакавіка. Па дадзеных следства, з красавіка 2011 года па лістапад 2014 года ён, з'яўляючыся бенефіцыярным уладальнікам шэрагу афшорных камерцыйных арганізацый, стварыў і ўзначаліў арганізаваную злачынную супольнасць, якая ў выніку злачынных дзеянняў выкрала чатыры мільярды рублёў.

Пазней стала вядома, што экс-міністра для затрымання выманілі ў Расію пад падставай святкавання дня нараджэння аднаго з былых калег.


Міхаіл Абызаў нарадзіўся ў 1972 годзе ў Мінску, аднак перабраўся ў Маскву ў 1989 годзе, дзе паступіў спецыяльную фізіка-матэматычную школу пры МДУ.

У 1990-х ён пачаў займацца ў Расіі бізнесам у паліўна-энергетычнай сферы. У 1998-м увайшоў у раду дырэктараў ААТ «Навасібірскэнерга», а ў 1999-м стаў намеснікам старшыні праўлення РАТ «ЕЭС Расіі».

З мая 2012 года ён уваходзіў у склад расійскага Кабміна - працаваў у якасці міністра, адказнага за арганізацыю работы камісіі па каардынацыі дзейнасці «Адкрытага ўрада», праз шэсць гадоў пайшоў з дадзенай пасады ў сувязі з яе скасаваннем.

Вядома, што 46-гадовы экс-міністр пакінуў Расію ў мінулым годзе і ў апошні час пражываў у італьянскай Таскане.

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.