Рынак адходаў у Кітаі дасягне трыльёна долараў

У гэтым сектары створаць 40 мільёнаў новых працоўных месцаў.

Дзяржсавет Кітая апублікаваў пілотны праект па стварэнні ”гарадоў без адходаў”.  У гэтым годзе гэты праект будзе ўкаранёны ў 10 пілотных кітайскіх гарадах, перадае “Жэньмінь жыбаа” анлайн”.

 Праект уяўляе сабой мадэль развіцця гарадоў і перадавую канцэпцыю кіравання гарадамі.  Ён накіраваны на садзейнічанне стварэнню мадэлі экалагічна чыстага развіцця горада і “зялёнага” ладу жыцця гараджан і будзе спрыяць памяншэнню крыніц утварэння цвёрдых адходаў і ўтылізацыі смецця ў горадзе.

 Акрамя экалагічнай і сацыяльнай эфектыўнасці, праект таксама здольны прыносіць краіне эканамічныя выгады.  Згодна з ацэнкай, да 2030 года аб'ём рынку сартавання і перапрацоўкі цвёрдых адходаў дасягне 7 трлн юаняў (каля 1 трлн долараў), пры гэтым будзе створана каля 40 млн новых працоўных месцаў.