Другі форум высокага ўзроўню «Пояс і шлях» пройдзе ў Пекіне

Мерапрыемства мяркуюць правесці ў трэцяй дэкадзе красавіка.

Другі Форум высокага ўзроўню па міжнароднаму супрацоўніцтву ў рамках «Пояса і шляху» пройдзе ў трэцяй дэкадзе красавіка бягучага года ў Пекіне, паведаміў начальнік Канцылярыі Камісіі ЦК КПК па замежных справах Ян Цзэчы, перадае «Жэньмінь жыбаа» анлайн«.

Старшыня КНР Сі Цзіньпін ужо накіраваў запрашэнні кіраўнікам адпаведных краін прыняць удзел у форуме, падкрэсліў ён. У прыватнасці старшыня Кітайскай Народнай Рэспублікі Сі Цзіньпін запрасіў Прэзідэнта Рэспублікі Беларусь Аляксандра Лукашэнку ўзяць удзел у другім міжнародным форуме вышэйшага ўзроўню «Адзін пояс, адзін шлях».

Галоўная тэма маючага адбыцца форуму «Сумеснае будаўніцтва ’Пояса і шляху’, адкрыццё выдатнай будучыні». У рамках форуму пройдзе цырымонія адкрыцця форуму, саміт за круглым сталом, сустрэча на высокім узроўні, тэматычныя падфорумы і канферэнцыя прадпрымальнікаў.

Прадстаўнікі больш чым ста краін, у тым ліку каля 40 кіраўнікоў замежных краін, пацвердзілі сваю гатоўнасць удзельнічаць у форуме. Кітай спадзяецца, што ўдзельнікі сустрэчы сумесна падвядуць вынікі супрацоўніцтва ў рамках «Пояса і шляху», а таксама намецяць новы план супрацоўніцтва.