Вы тут

Тры нагоды ўключыць тэлевізар


Дзеці

У Міжнародны дзень абароны дзяцей адчуць сябе зноў маленькімі могуць і дарослыя — дзякуючы тэматычнаму кінапаказу, што зладзіць сацыякультурны канал «Беларусь 3».

Цягам дня ў эфіры будуць паказаныя дзіцячыя прыгодніцкія і казачныя кінастужкі розных часоў: «Снежная каралева» (1966), «Тры талеры» (2005), «Тум-Пабі-Дум» (2017), мюзікл «Мама» (1976), камедыя «Вусаты нянь» (1977).

А Першы нацыянальны канал Беларускага радыё прапануе слухачам удзел у інтэрактыўнай гульні — апазнаць у сацыяльнай сетцы «Аднакласнікі» журналістаў і радыёвядучых па іх дзіцячых фота. Прыз абяцаюць самы што ні ёсць дзіцячы — брэндаваны заплечнік, а самаму актыўнаму гульцу — кілаграм смачных цукерак!


Пушкін

Пра 220-годдзе класіка рускай літаратуры (ягоны дзень нараджэння адзначаецца 26 мая па старым стылі і 6 чэрвеня — па новым) нагадае тэлеканал «Культура». 3—6 чэрвеня тут будуць паказваць «Маленькія трагедыі» прызнанага майстра экранных версій твораў рускай класікі, рэжысёра Міхаіла Швейцэра. Трохсерыйны мастацкі фільм, зняты сорак гадоў таму, упрыгожвае цэлы россып вядомых савецкіх акцёраў: Сяргей Юрскі, Валерый Залатухін, Івар Калныньш, Інакенцій Смактуноўскі, Георгій Тараторкін, Леанід Кураўлёў, Ларыса Удавічэнка, Лідзія Федасеева-Шукшына, Аляксандр Трафімаў і, канешне, акцёр і бард Уладзімір Высоцкі, які сыграў у сцэне «Каменны госць» сваю апошнюю ролю — лавеласа Дон Жуана...

Акрамя таго, на тыдні «Культура» парадуе ўсіх тых, хто чытаў Пушкіна не толькі ў сціслым пераказе ў хрэстаматыі, яшчэ шэрагам фільмаў паводле яго кніг: «Дуброўскі», «Капітанская дачка», «Аповесці Белкіна», «Завея», мультфільмам «Казка пра цара Салтана», дакументальнымі, біяграфічнымі стужкамі і дэкламацыяй Пушкіна ў выкананні папулярных акцёраў.


Музыка

200-годдзе выбітнога кампазітара і дырыжора Станіслава Манюшкі, якое сёлета шырока адзначаецца па ўсім свеце, натхніла на творчыя вопыты не толькі сучасных музыкантаў, але і тэлевізійнікаў. Так, Белтэлерадыёкампанія падрыхтавала да юбілею дакументальную стужку «Залатыя рыбкі музыкі Станіслава Манюшкі».

«У пошуках Манюшкі мы перадусім адправіліся на Міншчыну, у вёску Убель, дзе калісьці нарадзіўся класік», — расказвае аўтар фільма Алеся Зелянко. Далей маршрут здымачнай групы пралягаў праз пасёлак Азёрны, гарадскі пасёлак Смілавічы, горад Чэрвень, аграгарадок Алесіна, вёску Данюшава, праз Мінск і Гомель — усе тыя месцы, дзе так ці інакш захаваліся сляды Манюшкі. У фільме ўзялі ўдзел звыш 20 навукоўцаў, музыкаў і даследчыкаў — аўтараў тэматычных манаграфій, якія больш поўна распавялі пра станаўленне творцы, яго значэнне ў беларускай і сусветнай культуры і, канешне, пра захаванне памяці... Тэлепрэм'ера стужкі і святочны канцэрт Вялікага тэатра Беларусі, складзены з твораў Станіслава Манюшкі, запланаваныя на 15 чэрвеня — на канале «Беларусь 3».

Выбар рэдакцыі

Хведар Чэрня. Сябра маёй вясны

Хведар Чэрня. Сябра маёй вясны

Радок на яго помніку спыняе і змушае задумацца.

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.

Грамадства

Як хутка людзі змогуць стаць менш агрэсіўнымі?

Як хутка людзі змогуць стаць менш агрэсіўнымі?

 Псіхолаг Раман Кручкоў упэўнены, што на самай справе агрэсія ўласціва ўсім людзям.  

Грамадства

Археалагічны комплекс «Бярэсце» стане першай пляцоўкай святкавання тысячагоддзя

Археалагічны комплекс «Бярэсце» стане першай пляцоўкай святкавання тысячагоддзя

Археалагічны музей «Бярэсце» і навакольная тэрыторыя перажываюць вялікае абнаўленне.