Вы тут

Праект «Казка дзецям» для падапечных Беларускага дзіцячага хоспіса працягваецца


Праект «Казка дзецям» дорыць падапечным Беларускага дзіцячага хоспіса чароўнае падарожжа, магчымасць упершыню паляцець на самалёце, пабываць за мяжой і спраўдзіць запаветныя жаданні. У канцы мая дзеці з цяжкімі захворваннямі пабывалі ў Санкт-Пецярбургу.


За час існавання праекта падапечныя дзіцячага хоспіса наведалі Будапешт і Маскву, пабывалі ў Літве. Гэтым разам група з 11 чалавек, якая складалася з пяці дзяцей на калясках, пяці бацькоў і сацыяльнага работніка хоспіса Андрэя Гапановіча, накіравалася ў паўночную сталіцу суседняй краіны.

Дзеці пабывалі ў Батанічным садзе, дзяржаўным музеі «Эрмітаж», Пецяргофе і Петрапаўлаўскай крэпасці. А таксама ўрачыста адзначылі дзень нараджэння аднаго з удзельнікаў падарожжа.

Кожны раз дзіцячы хоспіс імкнецца падарыць сапраўдную казку дзецям і бацькам падчас падарожжа і арганізаваць яго на самым высокім узроўні. «Калі дзіця хворае, яно не перастае марыць» — пад такім дэвізам тут рэалізуюць жаданні.

Гэтым разам група спынілася ў атэлі «Рэгіна» — у нумарах, спецыяльна абсталяваных для людзей з інваліднасцю. У арганізацыі экскурсійнай праграмы дзіцячаму хоспісу дапамог Міжнародны клуб Lіons Club Sankt-Petersburg. Паездка стала магчымай дзякуючы фінансавай падтрымцы Тату-клуба «Олд Візард» і тэатра-студыі танца «СамаЯ». Авіяпералёт дапамагла ажыццявіць кампанія «Белавія».

Беларускі дзіцячы хоспіс — недзяржаўная некамерцыйная структура. Яна аказвае медыцынскую, псіхалагічную, сацыяльную і духоўную дапамогу сем'ям, якія выхоўваюць дзяцей з захворваннямі, што абмяжоўваюць тэрмін жыцця і пагражаюць яму. Пацыенты хоспіса — дзеці і маладыя людзі ва ўзросце да 24 гадоў. Пад апекай арганізацыі знаходзіцца ад 150 да 250 сем'яў, якія жывуць не толькі ў Мінску, але і ў радыусе 250 кіламетраў ад сталіцы.

Алена КРАВЕЦ

Загаловак у газеце: Дзеці не перастаюць марыць

Выбар рэдакцыі

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11.