Вы тут

Праект «Я бачу!» у Віцебскай вобласці пашырыўся


Цяпер тры брыгады афтальмолагаў правяраюць зрок у школьнікаў. Агляды ў межах дабрачыннага праекта аднавіліся з пачаткам навучальнага года. Да дзвюх дзеючых далучылася трэцяя брыгада, якая будзе працаваць у Браслаўскім і Пастаўскім раёнах. Гэта дазволіць урачам агледзець каля 15 тысяч сельскіх школьнікаў з усёй Віцебшчыны — 21 раёна.


З верасня да снежня мабільныя брыгады медыкаў працягнуць сваю работу ў Мёрскім, Талачынскім, Чашніцкім, Лёзненскім, Гарадоцкім, Віцебскім, Ушацкім, Шаркаўшчынскім, Шумілінскім, Полацкім, Лепельскім, Браслаўскім і Пастаўскім раёнах. У гэты перыяд каля 10 тысяч школьнікаў атрымаюць кансультацыі афтальмолагаў.

Яшчэ 5,5 тысяч дзяцей было абследавана падчас першага этапу акцыі — напярэдадні летніх канікул у сельскіх школах Аршанскага, Дубровенскага, Бешанковіцкага, Глыбоцкага, Докшыцкага, Расонскага і Сенненскага раёнаў. Больш чым у 30 % дзяцей выяўлены праблемы са зрокам. Агляды па месцы вучобы праходзяць для таго, каб вучні 1—11 класаў як мага раней даведаліся пра магчымыя парушэнні зроку і маглі своечасова атрымаць дапамогу. Усім неабходным для праверкі органаў зроку абсталяваны тры аўтамабілі, якія выкарыстоўваюцца для выязной работы ўрачоў. Па выніках аглядаў школьнікі атрымліваюць заключэнні спецыяліста аб стане зроку, пры неабходнасці — рэцэпты і накіраванні на далейшую дыягностыку ці аператыўнае лячэнне. Усе дзеці атрымліваюць і памяткі з правіламі захавання здароўя вачэй.

Праект «Я бачу!» рэалізуецца Беларускім дзіцячым фондам і кампаніяй А1 пры падтрымцы Віцебскага аблвыканкама і Міністэрства аховы здароўя. Віцебская вобласць — чацвёрты рэгіён, дзе ён ажыццяўляецца.

Загаловак у газеце: Акуліст дойдзе да кожнага

Выбар рэдакцыі

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.