Не менш 10000 базавых станцый 5G будуць пабудаваны ў Пекіне да канца бягучага года, заявіла Гарадское ўпраўленне сувязі, перадае “Жэньмінь жыбаа” анлайн”.
Па стане на ліпень сталіца Кітая ўжо мела больш за 7800 базавых станцый 5G пераважна ў асноўных гарадскіх раёнах, на месцах правядзення Сусветнай садоўніцкай выставы-2019 і маючых адбыцца ў 2022 годзе зімовых Алімпійскіх гульняў, а таксама ў гарадскім субцэнтры - раёне Тунчжоў, адзначаецца ў паведамленні ўпраўлення. Таксама паведамляецца, што сетка 5G у новым пекінскім міжнародным аэрапорце Дасін будзе ўведзена ў эксплуатацыю напрыканцы верасня.
Усё больш кітайскіх гарадоў укараняюць сетку 5G для задавальнення попыту насельніцтва. Так, напрыклад, у мегаполісе Гуанчжоў на поўдні краіны пабудавалі і запусцілі больш за 5000 базавых станцый.
У чэрвені Кітай выдаў ліцэнзіі на камерцыйнае выкарыстанне тэхналогіі 5G, што азнаменавала пачатак новай эры для тэлекамунікацыйнай галіны краіны. Паводле ацэнак Кітайскай акадэміі інфармацыйна-камунікацыйных тэхналогій, тэхналогія 5G створыць больш за 8 млн працоўных месцаў да 2030 года.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
