Пастановай Савета Міністраў №691 ад 10 кастрычніка 2019 года вызначана генеральная падрадная арганізацыя для будаўніцтва комплексу па змыўцы і афарбоўцы вонкавай паверхні паветраных судоў і іх тэхнічным абслугоўванні на авіярамонтным заводзе, размешчаным на тэрыторыі Нацыянальнага аэрапорта Мінск. Дакумент сёння афіцыйна апублікаваны на Нацыянальным прававым партале.
Генпадраднай арганізацыяй па будаўніцтве гэтага аб'екта вызначана ААТ "Гроднапрамбуд".
Раней у інтэрв'ю belta.by міністр транспарту і камунікацый Аляксей Аўраменка паведамляў, што цэх змыўкі і афарбоўкі на новым авіярамонтным заводзе павінны ўвесці ў эксплуатацыю да канца 2020 года. Гэта дазволіць заводу прыцягнуць дадатковыя заказы, забяспечыць прыток валюты ў краіну і павысіць канкурэнтаздольнасць прадпрыемства.
ААТ "Гроднапрамбуд" з'яўляецца правапераемнікам арэнднай будаўніча-мантажнай фірмы "Гроднапрамбуд", ператворанай з аднайменнага вытворча-мантажнага аб'яднання. За гады працы ААТ назапашаны вопыт будаўніцтва аб'ектаў рознага прызначэння: прамысловага, жыллёвага, сацыяльна-бытавога, медыцынскага, харчовага.
Сумесныя праекты ядзерных тэхналогій.
