Вы тут

Лукашэнку накіравана афіцыйнае запрашэнне Прэзідэнта Аўстрыі наведаць Вену сёлета ў лістападзе


Аб гэтым расказала Надзвычайны і Паўнамоцны Пасол Аўстрыі ў Беларусі Алаізія Вёргетэр падчас гутаркі з журналістамі ў Нацыянальным прэс-цэнтры Беларусі.


— Дэталі візіту яшчэ абмяркоўваюцца, пра іх грамадскасць будзе апавешчана пазней, — зазначыла пасол.

Алаізія Вёргетэр расказала, што сама яна мела гонар арганізоўваць тры візіты высокага ўзроўню сёлета: у прыватнасці, у Беларусь Федэральнага прэзідэнта Аўстрыі Аляксандра Ван дэр Белена, міністра замежных спраў Карын Кнайсль, а таксама Себасцьяна Курца, які на той момант з'яўляўся Федэральным канцлерам Аўстрыі.

— Кантакты такога высокага ўзроўню дапамагаюць адкрытасці, камунікацыі, гатоўнасці да дыялогу і на рабочым, і на аператыўным узроўні, — дадала пасол. — Паміж нашымі краінамі запланавана мноства візітаў. Складваецца вельмі сардэчны, карысны для абодвух бакоў абмен на ўсіх ступенях развіцця зносін.

На працягу года беларуска-аўстрыйскае супрацоўніцтва развівалася асабліва дынамічна. Гэта адлюстроўваецца і ў лічбах узаемнага тавараабароту. За першае паўгоддзе экспарт з Аўстрыі склаў 50 мільёнаў еўра, імпарт —- каля 10 мільёнаў еўра. У цэлым прырост тавараабароту ў памеры 15 %, які дазваляе чакаць добрай дынамікі ў 2019 годзе.

Наталля ТАЛІВІНСКАЯ

Прэв'ю: webdo.tn

Загаловак у газеце: Адносіны паміж Беларуссю і Аўстрыяй развіваюцца дынамічна

Выбар рэдакцыі

Грамадства

Якую небяспеку нясе экспрэс-дыета?

Якую небяспеку нясе экспрэс-дыета?

 Варта разумець, што дыеты такога тыпу — радыкальны метад, які мае шмат мінусаў.

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.