Вы тут

Другое дыханне праблемным гаспадаркам плануюць даць у Мінскай вобласці


Кожнаму старшыні райвыканкама «падняць» па адной праблемнай гаспадарцы. Такое даручэнне даў кіраўнік цэнтральнага рэгіёна Аляксандр Турчын сваім падначаленым падчас калегіі камітэта па сельскай гаспадарцы і харчаванні Мінаблвыканкама, якая прааналізавала вынікі работы жывёлагадоўлі за мінулы год.


Аляксандр Турчын адзначыў, што ў любой сферы важны эканамічны вынік. Жывёлагадоўчая галіна — не выключэнне:

— У нас шмат стратных сельгасарганізацый. І гэта наша недапрацоўка.

Губернатар прывёў у прыклад Вілейскі раён, дзе інвестар уклаў сродкі ў слабае сельгаспрадпрыемства і давёў яго да ладу.

— На ферме тая ж самая жывёла, працуюць тыя ж людзі, але за шэсць-восем месяцаў прадукцыйнасць павялічылася ўтрая, выручка — у пяць разоў, заработная плата — удвая. З гэтага я раблю выснову, што з правільным падыходам любую адстаючую гаспадарку можна вывесці на сярэднеабласны ўзровень і даць магчымасць людзям добра зарабляць, — падкрэсліў Аляксандр Турчын. Ён даручыў кожнаму старшыні райвыканкама вызначыць у сваім раёне па адной слабай сельгасарганізацыі, з тым каб на працягу года павысіць паказчыкі дзейнасці.

— Скласці бізнес-план, пралічыць неабходную суму ўкладанняў. Грошы мы знойдзем. Умова адна — вынік такі ж, як у Вілейцы, — канстатаваў Аляксандр Турчын.

Старшыня камітэта па сельскай гаспадарцы і харчаванні Сяргей Ляўковіч расказаў, што жывёлагадоўля вобласці ў цэлым спрацавала нядрэнна.. У прыватнасці, летась надоена 1782,4 тысячы тон малака — 101,6 % да ўзроўню 2018-га. Сярэдні надой ад каровы летась — 5343 кілаграмы малака, што больш за вынік папярэдняга года на восем кілаграмаў. Вытворчасць жывёлы і птушкі склала 498,9 тысячы тон, або 102 % да 2018-га. Сярэднясутачныя прывагі на вырошчванні і адкорме буйной рагатай жывёлы — 606 грамаў, што на адзін грам вышэй за ўзровень папярэдняга года.

Разам з тым у разрэзе раёнаў і гаспадарак вынікі адрозніваюцца, у асобных з іх сітуацыя проста катастрафічная.

— Мэта калегіі — разабрацца з леташнімі праблемамі і памылкамі, каб не паўтараць іх у далейшым, — лічыць Сяргей Ляўковіч.

Удзельнікі пасяджэння прааналізавалі недапрацоўкі, упушчаныя магчымасці, дакладна «расклаўшы па паліцах» увесь вытворчы ланцужок.

Таццяна ЛАЗОЎСКАЯ

Прэв'ю: bdg.by

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.