Вы тут

Рыхтуем грунт для розных культур


Існуе мноства варыянтаў глебагрунтоў. Каб выбраць правільны, трэба ўлічваць патрабаванні кожнай канкрэтнай культуры. Памідоры, напрыклад, аддаюць перавагу слабашчолачнай глебе з вялікай колькасцю арганікі, азоту і калію. Капуста аддае перавагу зямлі, у якую дададзена вапна і драўняны попел.


Можна прыгатаваць і ўніверсальную глебавую сумесь. Яна складаецца з дзвюх частак агароднай зямлі, адной часткі перагною або добра перапрэлага кампосту, адной часткі торфу і адной часткі пілавіння або пяску. У залежнасці ад таго, якая культура будзе вырошчвацца, неабходна дадаць у гэты субстрат пэўную колькасць угнаенняў.

Культура

 

Колькасць угнаенняў на 10 л субстрату

 

Капуста

 

15—20 г аміячнай салетры або мачавіны, 20—25 г суперфасфату, 10 г сернакіслага калію, 25 г даламітавай мукі

 

Агурок

 

8—10 г аміячнай салетры, 10—15 г суперфасфату, 10 г сернакіслага калію, 10 г даламітавай мукі

 

Тамат, перац, баклажан

 

8—10 г аміячнай салетры, 80 г суперфасфату, 20—30 г сернакіслага калію

 

Ні ў якім разе не высейвайце насенне агароднінных культур у чысты перагной або кампост. У іх утрымліваецца вельмі шмат пажыўных рэчываў, дзякуючы чаму саджанцы хутка нарошчваюць зялёную масу і выглядаюць вельмі прывабна. Аднак карані пры гэтым у іх развіваюцца слаба, таму расліны дрэнна прыжываюцца на ўчастку.

Не варта прасейваць кампаненты грунту для расады праз дробнае сіта — такі субстрат пасля паліву будзе «заплываць» і вельмі хутка закісне.

Як палепшыць пакупны грунт

Не ва ўсіх ёсць магчымасць самастойна прыгатаваць грунт для расады, і шмат хто купляе ўжо гатовы. Але не заўсёды такія глебасумесі адпавядаюць патрабаванням канкрэтных рассадных культур (асабліва гэта датычыцца ўніверсальных глебавых сумесяў).

Асноўным кампанентам універсальнага глебагрунту з'яўляецца торф. Яго недахопы — павышаная кіслотнасць і дрэнная водапранікальнасць. З-за гэтага расліны слаба развіваюцца і адстаюць у росце.

Каб вашы намаганні не зніклі дарма, такі грунт трэба «мадыфікаваць».

1. Дадайце ва ўніверсальны пакупны грунт такую ж колькасць абеззаражанай агароднай зямлі. Калі яе няма, выкарыстоўвайце тое, што ёсць пад рукой — нявыкарыстаны грунт для пакаёвых раслін, зямлю з вазонаў, якая засталася ад кветак, якія прапалі.

2. Каб знізіць кіслотнасць, дадайце трохі мелу або даламітавай мукі (1-2 ст. л. на вядро грунту).

3. Для рэгулявання вільготнасці субстрату можна дадаць крышталі гідрагелю. Толькі варта ўлічыць, што ў вільготным стане іх памер павялічваецца ў 200—300 разоў, таму іх трэба зусім крыху.


Парады бывалых

Хоць без ягадных кустоў і немагчыма ўявіць сабе дачу, але і клопату з імі шмат. Асабліва складана даглядаць за пладаноснымі галінкамі. Адно ўзвядзенне вакол раслін падпорак-аградак чаго варта!

На зіму гэтыя канструкцыі не пакінеш, таму што яны зламаюцца пад цяжарам засыпаных снегам галінак, а вясной трэба зноўку іх выстаўляць, ды пры гэтым яшчэ і памеры мяняць, бо кроны кустоў пастаянна разрастаюцца.

А можна паспрабаваць пасля збору ўраджаю ўсе галінкі на кустах, на сярэдзіне іх вышыні, прыхопліваць у пучкі шпагатам (не туга!), які трэба прывязаць да калкоў, убітых у цэнтры кустоў (самыя ніжнія галінкі, якія ляжаць на зямлі, адрэзаць).

У такім выглядзе ягаднікі сыходзяць у зіму (галінкі стаяць роўна і не ламаюцца пад снегам) і будуць потым стаяць да наступнай уборкі ўраджаю. Кусты добра ветраюцца, ягады не пэцкаюцца брудам.

Выбар рэдакцыі

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.

Грамадства

Хто паставiць кропку ў спрэчцы вакол пакупкі за адну базавую?

Хто паставiць кропку ў спрэчцы вакол пакупкі за адну базавую?

Ранейшы ўласнiк цяпер звярнуўся ў суд i патрабуе вярнуць будынак.

Культура

Віктар Капыцько: У нашых прыдворных тэатрах ставіліся оперы, напісаныя тут, а не дзе-небудзь у Італіі

Віктар Капыцько: У нашых прыдворных тэатрах ставіліся оперы, напісаныя тут, а не дзе-небудзь у Італіі

Віктар з'яўляецца аўтарам опер, сімфоній і кантат, яго музыка гучыць у розных кутках свету, а ў Беларусі з ім працуюць найлепшыя выканаўцы.

Культура

Дарогамі Славы. Простыя вяскоўцы

Дарогамі Славы. Простыя вяскоўцы

Уладзiмiр Амельяновiч і Апанас Кляцко.