Вы тут

Напярэдадні свята Грамніц у пасёлку Белавежскі зрабілі брацкую свячу


Пра цікавую традыцыю, якая толькі нараджаецца ў Белавежскім сельсавеце, расказала старшыня сельвыканкама Жанна ХІЛЮЦІЧ. Напярэдадні свята Грамніц шматлікія прадстаўнікі грамадскасці сабраліся ў нядзельнай школе пры царкве і ўсе разам зрабілі брацкую свячу.


Справа ў тым, што пасёлак Белавежскі шматнацыянальны, тут жывуць выхадцы з многіх рэспублік былога Саюза і людзі з розных куткоў Беларусі. Нямала ёсць перасяленцаў са Століншчыны, дзе падтрымліваецца старадаўні абрад вырабу брацкай свячы.

У маладым пасёлку Белавежскі адносна нядаўна ўзведзены храм у гонар Веры, Надзеі, Любові і маці іх Сафіі. Настаяцель айцец Аляксандр ужо некалькі гадоў праводзіць заняткі ў нядзельнай школе. Бацькі вучняў гэтай установы і сталі галоўнымі ініцыятарамі стварэння ўласнай брацкай свячы. На белавежскую свечку пайшло 27 кілаграмаў воску.

Зрабіць свечку, несумненна, трэба ўмець. Гэта справа рук мужчын, як таго патрабуюць старадаўнія звычаі. Да мерапрыемства рыхтаваліся, чыталі патрэбную літаратуру, шукалі звесткі ў інтэрнэце. Галоўнае, захоўваць паслядоўнасць дзеянняў. «Жанчынам у нас даверылі размінаць воск у вёдрах, — расказала Жанна Хілюціч. — І вельмі радаваліся, калі свечка атрымалася прыгожай і роўнай». Завяршэнне работы адзначылі агульным чаяваннем.

Паводле слоў кіраўніка мясцовай улады, такія агульныя справы з глыбокім духоўным зместам служаць умацаванню сяброўскіх сувязяў вяскоўцаў. Людзі выходзілі з нядзельнай школы нібы прасветленыя, усе ўсміхаліся адно аднаму.

А на свята Стрэчання свечку ўнеслі ў храм, асвяцілі. Цяпер яе будуць запальваць кожную службу, брацкай свячы павінна хапіць на два гады.

Святлана ЯСКЕВІЧ

Загаловак у газеце: Брацкая свяча ў Белавежскім

Выбар рэдакцыі

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай. 

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.