Друкаваць сілай думкі

Китайский университет разрабатывает технологии «мозг-компьютер».

У лабараторыі Цяньцзіньскага ўніверсітэта, размешчанага ў горадзе Цяньцзінь на поўначы Кітая, студэнт у шапачцы з электродамі сядзіць за камп’ютарам і друкуе без дапамогі рук, толькі сілай сваёй думкі.  Усё гэта атрымалася дзякуючы ўжыванню тэхналогіі інтэрфейсу «мозг-камп’ютар» (ІМК), перадае «Жэньмінь жыбаа» анлайн».

У галіне тэхналогіі ІМК Цяньцзіньскі ўніверсітэт дасягнуў новага поспеху.  ВНУ пры супрацоўніцтве з Кітайскай карпарацыяй электронікі (China Electronics Corporation) распрацавала высокаінтэгральны чып ІМК і валодае незалежным правам на інтэлектуальную ўласнасць гэтай вынаходкі.

Як адзначыў прадстаўнік Інстытута медыцынскай інжынерыі і трансляцыйнай медыцыны Цяньцзіньскага ўніверсітэта, такі чып можа распазнаваць нават вельмі слабы сігнал электраэнцэфалографа галаўнога мозгу чалавека, эфектыўна разумець і выконваць намер карыстальніка.

Па словах даследчыка, абсталяванне можа выкарыстоўвацца ў такіх сферах, як спецыяльная і рэабілітацыйная медыцына, апрацоўка сігналаў.