Вы тут

Чым угнойваць клубнiцы вясной


Каб куст багата пладаносiў, а ягады былi буйныя, неабходна да цвiцення папесцiць яго падкормкамi.


Наогул, каб штогод атрымлiваць ад клубнiц добры ўраджай, iх неабходна падкормлiваць чатыры разы на год: увесну пасля раставання снегу, пры з'яўленнi завязяў, пасля збору ўраджаю i ўвосень. Пры першай падкормцы варта выкарыстоўваць прэпараты на аснове азоту (увесну раслiны адчуваюць дэфiцыт гэтага элемента, а без яго зялёная маса ягаднiка нармальна не разаўецца), пры другой — комплексныя ўгнаеннi (для ўтварэння завязяў i плоданашэння раслiне трэба мноства розных элементаў), пры трэцяй i чацвёртай — таксама комплексныя (для фармiравання кветкавых пупышак, а таксама для запасу пажыўных рэчываў на зiму).

Пагаворым пра першыя дзве падкормкi, якiя неабходна праводзiць вясной i раннiм летам. Мы ведаем, што адразу пасля раставання снегу клубнiцы маюць патрэбу ў азоце, таму на дадзеным этапе лепш за ўсё падкармiць iх мачавiнай. У вядры вады варта растварыць 15 грамаў мачавiны, а потым палiць кожную раслiну 500 мiлiлiтрамi раствору. Варта памятаць, што браць большы аб'ём мачавiны для падкормкi нельга, бо гэта ў далейшым можа негатыўна адбiцца на смакавых якасцях ягад.

У якасцi арганiкi на гэтым этапе падыдзе птушыны памёт. Раствор для падкормкi гатуецца наступным чынам: у вядры вады раствараецца 200 грамаў памёту, пасля чаго маса настойваецца суткi-двое ў цемры. Такую падкормку можна выкарыстоўваць толькi для палiву мiжраддзяў.

Другую падкормку можна праводзiць праз два-тры тыднi пасля першай. У гэтым выпадку можна скарыстацца комплекснымi ўгнаеннямi, прызначанымi спецыяльна для клубнiц.

З арганiкi падыдзе раствор каравяку, толькi, каб не нашкодзiць раслiнам, варта правiльна прыгатаваць раствор. Перш за ўсё неабходна зрабiць канцэнтрат — залiць 1/4 вядра каравяку вадой да поўнага напаўнення вядра, даць настояцца раствору 3–5 дзён (трэба, каб выйшла мачавая кiслата). Гатовы канцэнтрат перад палiвам развесцi з вадой (лiтр раствору на чатыры лiтры чыстай вады). Двух лiтраў канцэнтрату хапае для палiву квадратнага метра клубнiчнай градкi.

Падкормка попелам — адна з найлепшых падкормак для клубнiц вясной. Справа ў тым, што ў попеле шмат калiю, а гэты элемент асаблiва неабходны клубнiцам для добрага росту. Падкармiць кусты ягады гэтым угнаеннем нескладана: трэба ўзяць попел i раўнамерна развеяць яго на градку з раслiнамi, пасля чаго прарыхлiць зямлю. На квадратны метр градкi бяруць каля шклянкi сухога рэчыва.

Настой крапiвы — таксама нядрэнная падкормка, дзякуючы ёй раслiны набiраюцца сiл пасля зiмы, значна хутчэй фармiруюцца кветкi. Робiцца падкормка наступным чынам: вядро напалову напаўняецца крапiвой i да краёў залiваецца гарачай вадой. Усё настойваецца 2–3 днi, пасля чаго раствор становiцца прыдатны для ўгнаення. Каля 300—500 мiлiлiтраў настою пад куст — дастатковая колькасць для разавай падкормкi.

Ірына ТАМКОВІЧ

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.