Вы тут

У Маладзечне з'явіцца новы загс


Ён размесціцца на скрыжаванні вуліц Віленскай і Льва Талстога, побач з цэнтральнай плошчай. У канцы мінулага года адбылося грамадскае абмеркаванне па пытаннях будаўніцтва. Спецыялісты і звычайныя гараджане змаглі ўнесці свае прапановы, выказацца ў падтрымку праекта.


Гэта будзе двухпавярховы будынак агульнай плошчай 2213 квадратных метраў. На першым паверсе плануецца размясціць гардэроб, вестыбюль, малую залу грамадзянскіх абрадаў і канферэнц-залу, пакоі жаніха і нявесты, а таксама прыёмную і залу для наведвальнікаў, службовыя кабінеты. На другім паверсе прадугледжваюцца вялікая зала для грамадзянскіх абрадаў, банкетная зала, веранда, балкон для музыкантаў.

Каля будынка будуць уладкаваны пад'язная пляцоўка для наведвальнікаў, пляцоўка для збору цвёрдых бытавых адходаў, фотазона з малымі архітэктурнымі формамі і арт-аб'ектамі, аўтамабільная паркоўка на 50 машын.

Аб'ект уключаны ў абласную інвестыцыйную праграму на 2020-ы. Ужо распрацоўваецца праектная дакументацыя. Пачатак будаўніцтва запланаваны на 2021 год.

Цяпер загс знаходзіцца ў прыбудаваным да жылога дома памяшканні.

Таццяна ЛАЗОЎСКАЯ

Прэв'ю: tili-testo.com

Выбар рэдакцыі

Грамадства

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Каля мільёна чалавек атрымала падтрымку ў выглядзе прадуктовых набораў, ваўчараў, якія можна было «атаварыць», грашовых сродкаў, дастаўкі прадуктаў на дом, а таксама простай размовы па тэлефоне «гарачай лініі» са спецыялістам.

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.