Вы тут

Конкурс “Нацыянальная прэмія ў галіне выяўленчага мастацтва” прымае заяўкі


Да 16 красавіка падоўжаны тэрмін прыёму заявак на ўдзел у Рэспубліканскім конкурсе “Нацыянальная прэмія ў галіне выяўленчага мастацтва” ў 2019 – 2020 гадах.

Нацыянальная прэмія – гэта шлях вызначэння найбольш значных дасягненняў у галіне выяўленчага мастацтва Беларусі за апошнія два гады. Што ёсць найбольш значнае зараз, калі прайшла ўжо 1/5 частка XXI стагоддзя і шляхі мастацтва не заўсёды паспяваюць за ім? Якія крытэрыі дзейсныя для вызначэння сапраўднага рэйтынгу мастацкіх падзей і з’яў? Падрыхтоўка і правядзенне конкурсу ёсць адначасова і перагляд крытэрыяў адбору, выклік для адборачнай камісіі і журы. Конкурс знаходзіцца ў стадыі станаўлення, праводзіцца толькі ў другі раз, таму яму патрэбныя ўдзел і падтрымка. 


Арганізатары запрашаюць далучыцца да вельмі важнай справы: абгрунтавана адзначыць тое, чым можа ганарыцца Беларусь у выяўленчым мастацтве. Такім чынам, галоўнае ў гэтым конкурсе – пазбегнуць выпадковасці ў адказе на пытанне: “Хто ў Беларусі зараз самы цікавы мастак?”. У конкурсе прадугледжаны і матэрыяльныя формы ўвагі: лаўрэаты атрымаюць грашовую прэмію ў памеры 100 базавых велічынь і спецыяльную ўзнагароду. Іх мастацкія творы будуць рэкамендаваны да закупак у калекцыі дзяржаўных музеяў. Па выніках конкурсу адбудзецца мастацкая выстава ў Палацы мастацтваў і будзе выдадзены каталог твораў. Абмежаванняў па ўзросце няма, але прадстаўнікі творчай моладзі, якія будуць адзначаныя ў намінацыях, змогуць прэтэндаваць на заахвочванні спецыяльнага фонду Прэзідэнта Рэспублікі Беларусь па падтрымцы таленавітай моладзі.

Арганізатарамі конкурсу выступаюць Міністэрства культуры Рэспублікі Беларусь, Мінскі гарадскі і абласныя выканаўчыя камітэты, Нацыянальны гістарычны музей Рэспублікі Беларусь. У адборачную камісію і журы запрошаны вядомыя эксперты і спецыялісты, прафесійныя мастацтвазнаўцы, мастакі, крытыкі, з рознымі пазіцыямі адносна крытэрыяў і рэйтынгаў.

Конкурс праводзіцца па намінацыях: “Жывапіс”, “Графіка”, “Скульптура”, “Дызайн”, “Актуальнае мастацтва” (арт-аб’ект, інсталяцыя), “Мастацкая фатаграфія”, “Манументальнае і манументальна-дэкаратыўнае мастацтва”, “Дэкаратыўна-прыкладное мастацтва”, “Мастацтвазнаўства і крытыка”, “Творчы дэбют”.

Заяўкі прымаюцца дырэкцыяй конкурсу – Нацыянальным гістарычным музеем Рэспублікі Беларусь (вул. Карла Маркса, 12, тэл.: 226-09-22, 226-05-32, эл.адрас: info@histmuseum.by).

На сайце музея можна азнаёміцца з ІНСТРУКЦЫЯЙ аб парадку арганізацыі і правядзення рэспубліканскага конкурсу “Нацыянальная прэмія ў галіне выяўленчага мастацтва” ў 2019 – 2020 гадах і іншымі матэрыяламі:  http://histmuseum.by/by/news/2302/

Выбар рэдакцыі

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай. 

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.