Вы тут

Трэнер па веславанні сфарміраваў фіктыўныя навучальныя группы. І “зарабіў” на гэтым амаль 10 тысяч рублёў


У Бабруйску гарадскі аддзел па барацьбе з эканамічнымі злачынствамі выявіў злачынную схему ў адной са спартыўных дзіцяча-юнацкіх школ. Пад падазрэннем у буйным махлярстве -- былы 62-гадовы трэнер па веславанні, які на працягу мінулага навучальнага года “вёў заняткі” ў двух выдуманых групах.


Як паведамляе ўпраўленне інфармацыі і грамадскіх сувязяў МУС, для афёры настаўнік выкарыстаў звесткі аб сваіх былых вучнях, якія па розных прычынах пакінулі школу па заканчэнні двух гадоў навучання. Персанальныя дадзеныя падлеткаў трэнер упісаў у журнал вучэбна-трэніровачных заняткаў і нібыта працягнуў займацца з імі яшчэ адзін год.

У журнале падазраваны аформіў адпаведныя раздзелы і рэгулярна выстаўляў у ім адзнакі аб наведвальнасці дзяцей. Штомесяц ілжезвесткі падаваліся бухгалтарам, якія налічвалі зарплату. У выніку за навучальны год мужчына завалодаў падманным шляхам каля 9,5 тысячамі рублёў.

Падазраваны змешчаны ў залятар часовага ўтрымання. Яго дзеянням следчыя далі прававую ацэнку і распачалі крымінальную справу па факце махлярства ў буйным памеры.

Па інфармацыі УУС Магілёўскага аблвыканкама, гэта ўжо трэці выпадак, выяўлены ў спартыўнай школе. Па папярэдніх фактах таксама распачаты крымінальныя справы.

Сяргей РАСОЛЬКА

Прэв'ю: blizko.by

Выбар рэдакцыі

Грамадства

Псiхолаг тлумачыць, чаму паўза пасля заканчэння школы — не трагедыя

Псiхолаг тлумачыць, чаму паўза пасля заканчэння школы — не трагедыя

Педагогi, як i бацькi, павiнны быць уважлiвыя да любой праявы адоранасцi.

Эканоміка

Як вылечыць эканомiку ад каранакрызiсу?

Як вылечыць эканомiку ад каранакрызiсу?

Нягледзячы на тое што сучасны свет перажываў досыць шмат эканамiчных крызiсаў, той, што разгортваецца ў 2020 годзе, — унiкальны. 

Грамадства

Маладая актрыса Iрына Якавец: Нецiкавых роляў не iснуе

Маладая актрыса Iрына Якавец: Нецiкавых роляў не iснуе

Першым спектаклем, у якiм я ўзяла ўдзел, быў «Вясёлы Роджэр».

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт.