24 верасня, чацвер

Вы тут

Захворванне на COVID-19 павінна зніжацца ў бліжэйшыя 3-4 тыдні


Захворванне на COVID-19 павінна зніжацца ў бліжэйшыя 3-4 тыдні, заявіла намеснік міністра — галоўны дзяржаўны санітарны ўрач Беларусі Наталля Жукава ў інтэрв’ю праграме «Контуры» на тэлеканале АНТ.


«На працягу 2-3 тыдняў сітуацыя не скончыцца, мы будзем у эпідпрацэсе. Але хацела б адзначыць, што сітуацыя кіраваная. Ёсць перадумовы меркаваць, што захворванне павінна зніжацца ў бліжэйшыя 3-4 тыдні», — адзначыла Наталля Жукава.

Міністэрства аховы здароўя адсочвае захворванне на рэспіраторныя інфекцыі, таму можа зрабіць такую ​​выснову, адзначыла яна: «Зніжэнне захворвання на рэспіраторныя інфекцыі па ўсіх рэгіёнах Беларусі дае нам падставы меркаваць, што і захворванне каранавіруснай інфекцыяй праз некалькі тыдняў стабілізуецца ці пачне зніжацца».

Таксама Наталля Жукава распавяла,што праводзіцца вялікая праца па лакалізацыі ачагоў COVID-19: кожны выпадак каранавіруснай інфекцыі разглядаецца як ачаг, і ў абавязковым парадку вядзецца пошук кантактаў. «Такім чынам, мы перарываем ланцужок распаўсюджвання віруса. Гэта абавязковая ўмова для стрымлівання эпідпрацэсу», — сказала яна.

Наталля Жукава патлумачыла, што значыць колькасць тых, хто праходзіць лячэнне, і тых, у каго станоўчы тэст на каранавірус: «Гэтыя лічбы не могуць ніяк супадаць. Па дадзеных СААЗ, ёсць пэўны працэнт людзей, якія маюць станоўчы вынік тэставання на каранавірус, але не маюць прыкмет захворвання, яны толькі носьбіты каранавіруса.

«Але каб не распаўсюджваць захворванне, яны знаходзяцца дома, ім выдаецца бальнічны. Больш за тое, досыць строга правяраецца выкананне рэжыму самаізаляцыі» — удакладніла ўрач.

Намеснік міністра нагадала, што пры першых сімптомах COVID-19 трэба абавязкова звяртацца да ўрача, але не прыходзіць у паліклініку, а паведамляць пра свой стан па тэлефоне.

Выбар рэдакцыі

Грамадства

Як бяздзетнай пары завесцi дзiця?

Як бяздзетнай пары завесцi дзiця?

У гэтым праекце знаёмім вас з бяздзетнымi парамi, якiя хацелі, але праз стан свайго здароўя не маглі мець дзяцей.

Культура

Аляксандр Радзькоў. З кнігі «Мой фiзмат»

Аляксандр Радзькоў. З кнігі «Мой фiзмат»

Працягваем публікаваць урыўкі з кнігі.

Грамадства

Марына Мулявiна: Пасля разводу бацькi заставалiся блiзкiмi людзьмi

Марына Мулявiна: Пасля разводу бацькi заставалiся блiзкiмi людзьмi

Дачка галоўнага «песняра» распавяла пра сямейныя традыцыi.