Пратэрмiнаваныя пашпарты і даведкi можна не мяняць 3 месяцы

Дакументы, тэрмiн дзеяння якiх скончыўся або завяршаецца сёлета ў перыяд з 30 красавiка па 31 лiпеня, будуць сапраўднымi яшчэ тры месяцы. Пры гэтым аўтаматычнае працягненне часу дзеяння афiцыйных папер не забараняе грамадзянам, якiя хочуць памяняць дакумент, зрабiць гэта. Такiя магчымасцi, а таксама пералiк дакументаў, якiя можна не мяняць, вызначаны пастановай Саўмiна № 299.

Сярод дакументаў i рашэнняў, якiя не абавязкова прадаўжаць адразу пасля завяршэння тэрмiну iх дзеяння, наступныя:

• даведка аб знаходжаннi на ўлiку асоб, якiя маюць патрэбу ў паляпшэннi жыллёвых умоў;
• даведка аб займаемым жылым памяшканнi i складзе сям'i;
• даведка аб месцы жыхарства i складзе сям'i;
• копiя асабовага рахунку;
• рашэнне аб назначэннi дапамогi па доглядзе дзiцяцi-iнвалiда ва ўзросце да 18 гадоў;
• заключэнне ўрачэбна-кансультацыйнай камiсii (УКК), медыка-рэабiлiтацыйнай экспертнай камiсii (МРЭК);
• даведка аб стане здароўя;
• дазвольная дакументацыя на будаўнiцтва аднакватэрнага, блакiраванага жылога дома;
• пашпарт грамадзянiна Рэспублiкi Беларусь;
• пасведчанне на права жыхарства ў Рэспублiцы Беларусь;
• дакументы аб запрашэннi iншаземных грамадзян i асоб без грамадзянства;
• дазвол на права займацца працоўнай дзейнасцю ў Рэспублiцы Беларусь iншаземнаму грамадзянiну;
• пасведчанне кiроўцы;
• дакумент аб дзяржрэгiстрацыi транспартнага сродку;
• дазвол на набыццё грамадзянскай зброi;
• допуск да здачы практычнага экзамену на права кiравання механiчным транспартным сродкам.

Падоўжаны таксама тэрмiн дзеяння асобных дакументаў у сферы аховы аб'ектаў прамысловай уласнасцi, заключэння дзяржаўнай экспертызы па горадабудаўнiчым, архiтэктурным праекце, дазволу на размяшчэнне сродкаў вонкавай рэкламы, набыццё i захоўванне зброi, сертыфiкаты прадукцыi (тавары, паслугi), шэраг iншай дазвольнай дакументацыi, у тым лiку на ўвоз i вываз пэўных тавараў.

Пасля завяршэння трохмесячнай адтэрмiноўкi заяўнiкi абавязаны звярнуцца да адпаведнага ўпаўнаважанага органа за выдачай новых дакументаў загадзя ў адпаведнасцi з вызначаным законам парадкам.

Iрына СIДАРОК

Прэв'ю: aif.by