03 снежня, чацвер

Вы тут

Бiлборды з партрэтамi таленавiтай моладзi з'явіліся ў Гомелі


У Гомелi размешчана сем бiлбордаў з выявамi маладых людзей, якiя дамаглiся значных поспехаў i вядомыя ў рэгiёне, краiне i свеце.


Такiя партрэты можна сустрэць у розных месцах абласнога цэнтра. На iх адлюстраваны гамяльчане, якiя паказалi высокiя вынiкi ў спорце i iншых галiнах. Iмёны некаторых з iх на слыху ў многiх беларусаў.

Напрыклад, на адным са шчытоў — майстар спорту мiжнароднага класа па сучасным пяцiбор'i, чэмпiёнка свету Вольга Сiлкiна. На другiм — майстар спорту Беларусi па акадэмiчным веславаннi, сярэбраны прызёр чэмпiянату Еўропы сярод моладзi Андрэй Федарэнка. Аляксей Зайцаў i Iлья Галавач апынулiся на маштабным фота дзякуючы перамозе ў рэспублiканскiм маладзёжным праекце «100 iдэй для Беларусi». Праслаўляюць Гомель i выявы землякоў: «Чалавек года» Гомельскай вобласцi, пераможца спаборнiцтва «Самы моцны гамяльчанiн» Iван Дусянок, майстар спорту мiжнароднага класа па акрабатыцы, чэмпiён II Еўрапейскiх гульняў Артур Белякоў, камандзiр i камiсар першага ў краiне студэнцкага атрада матросаў-выратавальнiкаў Руслан Грабко i Станiслаў Сядых, чэмпiёнка свету па пажарна-выратавальным спорце Палiна Кушнярэнка.

Тэматычныя бiлборды, якiя ўпрыгожылi вулiцы абласнога цэнтра, створаны ў рамках праекта Гомельскай гарадской арганiзацыi БРСМ пад агульнай назвай «Разам».

— Мы ганарымся сваiм горадам, сваёй моладдзю, — кажа другi сакратар Гомельскага гаркама БРСМ Валерыя Мiлаванава. — Безумоўна, маладыя, адухоўленыя абліччы хлопцаў i дзяўчат, якiя дасягнулi значных поспехаў у сваiм жыццi, выклiкаюць добрыя эмоцыi, павагу. Хочацца спадзявацца, што кагосьцi з маладога пакалення яны натхняць на заняткi спортам, на дасягненне сваiх мэт у iншых сферах.

Наталля КАПРЫЛЕНКА

Выбар рэдакцыі

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам.