Жыхар Мінска падазраецца ў крадзяжы 17 ноўтбукаў

У аператыўна-дзяжурную службу Фрунзенскага РУУС Мінска паступіла заява ад спецыяліста майстэрні па рамонце камп’ютарнай тэхнікі, які паведаміў аб крадзяжы 17 ноўтбукаў і 25 зарадных прылад, паведамляе МУС

У ходзе правядзення аператыўна-вышуковых мерапрыемстваў аператыўнікам удалося высветліць асобу выкрадальніка. Ім аказаўся 45-гадовы жыхар сталіцы.

Праваахоўнікамі таксама было ўстаноўлена, што незадоўга да крадзяжу падазраваны ўжо наведваў майстэрню з мэтай набыцця зараднай прылады для свайго ноўтбука. Аднак праз два тыдні позна вечарам ён зноў прыйшоў у майстэрню, але ўжо з іншай мэтай. Пракраўшыся ў офіснае памяшканне, мужчына скраў з яго 17 ноўтбукаў і 25 зарадных прылад.

Прычынены ўрон склаў больш за 6000 рублёў. Маёмасць мужчына захоўваў у сваім гаражы.