Вы тут

Жыхар Пружанскага раёна прывёз пісталет з глушыцелем з Украіны. Яго затрымалі разам са змоўшчыкам


Супрацоўнікі па барацьбе з аргзлачыннасцю і карупцыяй МУС затрымалі дваіх жыхароў Пружанскага раёна па падазрэнні ў нелегальным захоўванні і збыце зброі. Мужчыны ва ўзросце 57 і 63 гадоў папаліся аператыўнікам ў красавіку пасля продажу адным з іх самаробнага адназараднага пісталета з глушыцелем і патронаў. Ствол і боепрыпасы аказаліся прыдатнымі для стральбы, таму следчыя распачалі крымінальную справу, паведамляе МУС.


Малодшы з падазраваных прывёз пісталет з Украіны ў канцы 1980-х гадоў, калі перабраўся жыць у Беларусь. Праз трыццаць гадоў ён вырашыў прадаць самаробку і звярнуўся па дапамогу да знаёмага. Той пагадзіўся і збыў зброю за $ 450. Гандляра затрымалі праз некалькі дзён пры спробе прадаць дваццаць спартыўна-паляўнічых патронаў.

У домаўладаннях мужчын міліцыянеры знайшлі яшчэ чатыры стрэльбы, каля 500 патронаў, звыш за 2 кілаграмы пораху, складовыя часткі да агнястрэльнай зброі, а таксама прыстасаванні для вырабу патронаў і  начыньвання іх порахам.

Зараз падазроныя знаходзяцца ў ІЧУ. Паводле інфармацыі ГУБАЗіК, афіцыйна яны не з'яўляюцца паляўнічымі і цяпер правяраюцца на дачыненне да браканьерства. Таксама адзін з іх раней прыцягваўся да крымінальнай адказнасці за крадзеж.

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.