Міністр культуры Юрый Бондар сустрэўся з калектывам Нацыянальнага акадэмічнага тэатра ім. Я. Купалы 18 жніўня, перадае агенцтва «Мінск-Навіны».
Артысты запатрабавалі, каб міністр падаў у адстаўку і каб на пасаду дырэктара Купалаўскага вярнулі Паўла Латушку, які ўчора быў звольнены.
Раней работнікі тэатра запісалі відэазварот з просьбай спыніць гвалт у краіне і прыцягнуць вінаватых да адказнасці. Сваю грамадзянскую пазіцыю публічна выказаў і Павел Латушка.
Сёння купалаўцы напісалі заявы на звальненне, якія прадэманстравалі Юрыю Бондару. Міністр культуры сказаў, што кожная заява будзе разгледжана ў асобнасці новым кіраўніцтвам тэатра.
Абавязкі дырэктара будзе выконваць намеснік міністра культуры Валерый Грамада.
Юрый Бондар заклікаў калектыў заняцца творчасцю, а не палітыкай.
Каля Купалаўскага тэатра сабраліся людзі, якія падтрымліваюць артыстаў.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?