Вы тут

У НАН прадэманструюць артэфакты часоў Вялікай Айчыннай вайны


28 верасня ў Нацыянальнай акадэміі навук Беларусі адбудзецца пасяджэнне секцыі «Подзвіг савецкага народа ў Вялікай Айчыннай вайне — аснова выхавання патрыятызму і грамадзянскай адказнасці», якая пройдзе ў рамках VII Форуму рэгіёнаў Беларусі і Расіі. 


На пасяджэнні секцыі будуць абмеркаваны пытанні патрыятычнага выхавання моладзі і актыўнага далучэння яе да захавання народнай памяці аб Вялікай Айчыннай вайне. У мерапрыемстве прымуць удзел грамадскія дзеячы, прадстаўнікі акадэмічнай і вузаўскай навукі Расіі і Беларусі, ваенных музеяў, маладзёжных арганізацый.

Мерапрыемства заклікана адкрыць новыя старонкі сумеснай гісторыі і паслужыць ліквідацыі «белых плям» у гістарыяграфіі Другой сусветнай і Вялікай Айчыннай войнаў, а таксама патрыятычнаму выхаванню маладога пакалення.

Падчас правядзення секцыі будзе працаваць выстава, на якой з дапамогай архіўных дакументальных матэрыялаў, фотаздымкаў, кніг і гістарычных артэфактаў паказаны гераічны і пераможны шлях народа ў Вялікай Айчыннай вайне і прадстаўлены ініцыятывы па ўвекавечанні памяці аб падзеях і героях вайны ў мэтах грамадзянска —патрыятычнага выхавання пакаленняў. Падрыхтавана выстава дакументаў Нацыянальнага архіва Рэспублікі Беларусь і экспазіцыя Нацыянальнага гістарычнага музея Рэспублікі Беларусь. 

Інстытут гісторыі НАН Беларусі прадставіць артэфакты, знойдзеныя ў ходзе даследавання тэрыторыі мемарыяльнага комплексу «Благаўшчына». Плануецца прадэманстраваць артэфакты часоў Вялікай Айчыннай вайны 52-ым асобным спецыялізаваным пошукавым батальёнам Міністэрства абароны Рэспублікі Беларусь. Дзяржаўным музеем гісторыі Узброеных Сіл Рэспублікі Беларусь будуць прадстаўлены сцягі Перамогі. Таксама будзе працаваць выстава літаратуры, прысвечаная тэматыцы Вялікай Айчыннай вайны.

Надзея НІКАЛАЕВА

Прэв’ю: minsknews.by

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.