Прэзідэнт Беларусі Аляксандр Лукашэнка 30 верасня падпісаў указ № 355, які прыводзіць шэраг нарматыўных прававых актаў кіраўніка дзяржавы ў адпаведнасць з законамі «Аб ацэнцы адпаведнасці тэхнічным патрабаванням і акрэдытацыі органаў па ацэнцы адпаведнасці», «Аб тэхнічным нарміраванні і стандартызацыі» і «Аб нарматыўных прававых актах », паведамілі ў прэс-службе Прэзідэнта.
У прыватнасці, удакладняюцца ўмовы абавязковага выканання патрабаванняў дзяржаўных стандартаў і іншых тэхнічных нарматыўных прававых актаў у галіне тэхнічнага нарміравання і стандартызацыі. Вызначана наменклатура грамадзянскай і службовай зброі і боепрыпасаў, канструктыўна падобных на зброю вырабаў і зацверджана адпаведнае палажэнне аб правядзенні яго сертыфікацыі. Гэта дазволіць аптымізаваць аналагічныя нормы, якія знаходзяцца ў іншых нарматыўных прававых актах.
Таксама адмяняецца вядзенне Дзяржаўнага кадастру службовай i грамадзянскай зброi i боепрыпасаў, паколькі інфармацыя пра зброю і боепрыпасы, якая ўносіцца ў сертыфікаты адпаведнасці, уключаецца ў рэестр Нацыянальнай сістэмы пацвярджэння адпаведнасці і можа быць выкарыстана зацікаўленымі органамі.
Прэв’ю: alterainvest.ru
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?