28 кастрычніка, серада

Вы тут

Гульні ў Токіа будуць максімальна бяспечныя


Міжнародны алімпійскі камітэт і арганізацыйны камітэт Алімпійскіх гульняў 2021 паабяцалі, што Гульні ў Токіа будуць максімальна бяспечныя. Аб гэтым паведаміў кіраўнік аргкамітэта Ёшыра Моры на спецыяльным вэбінары.


«Падрыхтоўка да алімпіяды ідзе па плане. Аргкамітэт Гульняў прыкладае ўсе намаганні, каб яны былі максімальна бяспечныя. Японскі бок прапануе скараціць выдаткі за кошт прыёму членаў дэлегацый і плануе паменшыць іх дзякуючы эканамічнаму электраасвятленню спартыўных аб'ектаў», — расказаў ён.

Прэзідэнт МАК Томас Бах адзначыў, што Гульні ў Токіа стануць прыкладам для правядзення наступных глабальных стартаў. Ён падкрэсліў, што арганізатары прыкладаюць максімум намаганняў для абароны здароўя ўсіх удзельнікаў Алімпіяды.

Гарантаванне бяспекі і планаванне мерапрыемстваў па супрацьдзеянні распаўсюджанню віруса COVІD-19 — адно з самых важных пытанняў у падрыхтоўцы да Алімпійскіх гульняў у Токіа. Прафілактыкай распаўсюджвання каранавіруса займаецца спецыяльная камісія, у якую ўвайшлі прадстаўнікі арганізацыйнага камітэта, урада і мэрыі Токіа.

Праз пандэмію каранавіруса больш актуальнай стала яшчэ адна сацыяльная роля спорту. У маі 2020 года Сусветная арганізацыя аховы здароўя і Міжнародны алімпійскі камітэт падпісалі пагадненне аб супрацоўніцтве ў інтарэсах умацавання здароўя праз спорт і фізічную актыўнасць. Для павышэння свядомасці і адукацыі ў гэтай важнай сферы МАК заснаваў міжнародны сертыфікат супрацоўніка па ахове здароўя ў спорце.

Валерыя СЦЯЦКО

Прэв’ю: bfks.by

Выбар рэдакцыі

Грамадства

Карэспандэнты «Звязды» даведалiся, як працуюць ратавальнiкi-кiнолагi

Карэспандэнты «Звязды» даведалiся, як працуюць ратавальнiкi-кiнолагi

У Беларусi прайшлi спартыўныя спаборнiцтвы па службовым шматбор'i кiнолагаў.

Грамадства

Спрабуем «выглядаць на мiльён» танна

Спрабуем «выглядаць на мiльён» танна

Парады ад Аляксандры Анцэлевіч.

Грамадства

Дарогі Беларусі ацэняць у зорках. ​Сістэма дапамогі кіроўцу, «штучны зрок» і нулявыя выкіды СО2

Дарогі Беларусі ацэняць у зорках. ​Сістэма дапамогі кіроўцу, «штучны зрок» і нулявыя выкіды СО2

Незалежны інстытут аўдытараў дарожнай бяспекі будзе створаны ў Беларусі.