Вы тут

«Белмытсэрвіс» зрабіў падарунак усім датычным да мытнай справы


Эканомія часу і грошай заказчыка, аптымальная лагістыка і гарантаваная своечасовая дастаўка. Усе гэтыя складнікі бездакорнага сэрвісу ўжо 20 гадоў аказвае Мінскі філіял РУП «Белмытсэрвіс». Да ўласнага юбілею прадпрыемства зрабіла падарунак усім датычным да мытнай справы — арганізавала Дзень адчыненых дзвярэй для кліентаў, партнёраў і студэнтаў факультэта «Мытная справа» БНТУ.


Госці прайшліся па ўсім транспартна-лагістычным ланцужку арганізацыі і на свае вочы ўбачылі, які шлях праходзіць прадукцыя ад маркіроўкі і ўпакоўкі да пагрузкі ў кантэйнер з дапамогай адмысловага пагрузчыка рычстакера і адпраўкі спажыўцу. А прадстаўнікі БНТУ, які сёлета адзначае 100-гадовы юбілей, перадалі сімвалічны факел з агнём Аляксандру СКАЧКОЎСКАМУ, дырэктару Мінскага філіяла РУП «Белмытсэрвіс» як сімвал існуючага і будучага супрацоўніцтва.

— Сёння ў лагістычным кірунку самае значнае — кваліфікацыя супрацоўнікаў. Адзін чалавек можа суправаджаць цэлыя кантэйнеры, караблі і самалёты з грузамі. Сёння спецыялісты маюць найвышэйшую кваліфікацыю, дзякуючы ВНУ, практыцы і рабоце на знешніх рынках, і яны могуць у далейшым прынесці ноў-хаў у бізнес-працэсы, — падкрэсліў важнасць сустрэчы з навучэнцамі дырэктар.

Філіял «Белмытсэрвіса» займаецца перавозкамі грузаў любой формы і габарытаў па чыгунцы, на аўто, караблях, а не так даўно яны атрымалі і сертыфікат авіяцыйнага агента краіны і цяпер могуць «пад ключ» арганізаваць дастаўку цэлага авіяборта, ячэйкі ці кантэйнера ў краіны Еўрапейскага саюза і Кітай.

Толькі сёлета мінскі філіял апрацаваў больш за 20 тысяч кантэйнераў на імпарт. Умовы захоўвання грузаў у транспартна-лагістычных цэнтрах Мінскага філіяла могуць задаволіць патрабаванні да ўсіх відаў прадукцыі, неабходны мікраклімат забяспечваецца з дапамогай кандыцыянера і вялізных халадзільнікаў на ТЛЦ «Мінск-Белмытсэрвіс-2».

Цягам 20 гадоў прадпрыемства дыверсіфікуе свае паслугі і сёння з'яўляецца ўпаўнаважаным эканамічным аператарам, мытным прадстаўніком, мытным перавозчыкам, найбуйнейшым экспедытарам грузаў, спецімпарцёрам і рэалізатарам прадукцыі праз сетку ўласных крам.

Ірына СІДАРОК, фота аўтара

Загаловак у газеце: Дзверы, адчыненыя да 20-годдзя

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.