Вы тут

У Маскве пабачылі свет пераклады на рускую мову адразу двух раманаў беларускай пісьменніцы Людмілы Рублеўскай


У Маскве ў легендарным праекце «Рэтра бібліятэка прыгод і навуковай фантастыкі» пабачылі свет пераклады на рускую мову адразу двух раманаў беларускай пісьменніцы і рэдактара аддзела культуры «Звязды» Людмілы РУБЛЕЎСКАЙ.


Пад адной вокладкай — «Авантуры Пранціша Вырвіча, здрадніка і канфедэрата» і «Авантуры Вырвіча, з банды Чорнага Доктара». Гэта чацвёртая і пятая кнігі Л. Рублеўскай пра беларускага Уленшпігеля XVІІІ стагоддзя. Перакладчык — Павел ЛЯХНОВІЧ, які, дарэчы, жыве і працуе ў Пінску. Авантурна-прыгодніцкі цыкл гэтай кнігай не завяршаецца. У Выдавецкім доме «Звязда» рыхтуецца да выдання шостая кніга пра героя, які даўно палюбіўся беларускаму чытачу, — «Авантуры Вырвіча, Лёдніка і Чорнай Меланхоліі». Папярэдне раман быў надрукаваны ў жнівеньскім, вераснёўскім, кастрычніцкім нумарах часопіса «Полымя».

Некалькі слоў пра серыю і маскоўскае выдавецтва «Престиж Бук», якое заўважыла адметны твор беларускай пісьменніцы. Зараз у серыі, якая бярэ свой пачатак ад «маладагвардзейскага» праекта (кнігі пад «фірменным» афармленнем выходзілі з 1936 года: творы Майн Рыда, Фенімора Купера, Аляксандра Яфрэмава...), пабачылі свет «Шэрлак Холмс з каментарыямі і ілюстрацыямі» Артура Конан Дойля, «Дэман Сакрата» Генадзя Прашкевіча, «Паветраны карабель» Аляксандра Бяляева, збор твораў Валерыя Пералешына... Серыя карыстаецца надзвычайнай папулярнасцю, прыцягвае ўвагу тысяч і тысяч чытачоў.

Спадзяёмся, што і творы іншых беларускіх пісьменнікаў пабачаць свет у прыгодніцкай серыі маскоўскага выдавецтва. Магчыма, не толькі сучасная літаратура, але і гістарычная, захапляльная проза Уладзіміра Караткевіча, найперш — яго «Чорны замак Альшанскі».

Сяргей ШЫЧКО

Загаловак у газеце: Усе «Авантуры Пранціша Вырвіча» — разам!

Выбар рэдакцыі

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.

Грамадства

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

Акрамя фотаздымкаў храмаў і руін былых сядзіб, практычна кожны пост Паліны суправаджаецца яркімі біяграфіямі землякоў. 

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі.