Увесну да бізнесмена звярнуўся 36-гадовы жыхар Мінскага раёна з прапановай выкупіць у таго фірму. Пры гэтым мужчына вызначыў абавязковую ўмову здзелкі: яго павінны прызначыць на пасаду намесніка кіраўніка камерцыйнай структуры — нібыта каб устанавіць «патрэбныя сувязі» для развіцця бізнесу. Прадавец пагадзіўся. Як разгортвалася гісторыя далей, паведамляе МУС.
Праз некаторы час новы намеснік скарыстаўся сваім становішчам у злачынных мэтах: вырабіў фіктыўную даверанасць, паставіў у ёй пячатку арганізацыі і заключыў з прадпрыемствам па вытворчасці кабеляў дагавор на адгрузку 600 кіламетраў провада.
Пагадненне прадугледжвала адтэрміноўку плацяжу і адсутнасць першага ўзносу, а галоўнае — тавар павінны былі даставіць у прыватны дом пад Мінскам, дзе пражывае намеснік.
Мужчына, займеўшы кабель, прадаваў яго па зніжаных цэнах у інтэрнэце і плаціў ім жа па даўгах. Частку сумы вярнуў пастаўшчыку, але ў выніку агульная сума доўгу склала больш за 700 тысяч рублёў.
Мужчыну вылічылі аператыўнікі па барацьбе з эканамічнымі злачынствамі, а следчыя далі прававую ацэнку яго дзеянням і распачалі крымінальную справу за махлярства ў асабліва буйным памеры.
У падазраванага на ўтрыманні шэсць дзяцей. Раней яго судзілі за хуліганства.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
