Вы тут

Ва Украіне для павышэння яўкі на мясцовых выбарах разыграюць iPhone 12


Мясцовыя ўлады ў другім туры выбараў мэраў шэрагу гарадоў Украіны спрабуюць падвысіць яўку выбаршчыкаў розыгрышам прызоў аж да iPhone апошняй мадэлі. Пра гэта паведамляе прэс-служба грамадзянскай сеткі «Апора», піша ТАСС.


У прыватнасці, у Славянску Данецкай вобласці на выбарах мэра адна з грамадскіх арганізацый абвясціла конкурс на розыгрыш iPhone 12. Згодна з правіламі, выкладзенымі ў паведамленнях на старонках у сацсетках, жыхары павінны прыняць удзел у галасаванні і зрабіць сэлфі каля скрыняў для галасавання. Падкрэсліваецца, што фота трэба рабіць без бюлетэня. Самі арганізатары адзначылі, што ў конкурсе ўдзельнічаюць жыхары горада ва ўзросце ад 18 да 45 гадоў, узроставыя абмежаванні тлумачаць неабходнасцю падняць актыўнасць менавіта маладых выбаршчыкаў.

У СМІ з’явілася інфармацыя аб розыгрышы прызоў у Дняпры. Выбаршчыкаў абяцаюць бясплатна падвозіць да ўчасткаў, а ў 20:30 запланаваны розыгрыш прызоў. Для таго, каб прыняць удзел, неабходна прад’явіць сэлфі з выбарчага ўчастка, але звонку, а не знутры. Бліжэй да поўдня флэшмоб падхапілі ў Мікалаеве, паабяцаўшы падарункі за здымкі з выбарчага ўчастка.

Пакуль няма афіцыйнай інфармацыі аб актыўнасці выбаршчыкаў. Па дадзеных «Апоры», яўка ў 11 гарадах а 12:00 склала 9,7%. На мінулым тыдні (15 лістапада) яўка выбаршчыкаў па стане на 12:00 складала 8,6%. А на мясцовых выбарах 25 кастрычніка — 13,5%.

Ва Украіне ў нядзелю праходзіць другі тур выбараў мэраў ў 11 гарадах: Дняпры, Нікапалі (Днепрапятроўская вобласць), Славянску (Данецкая вобласць), Ужгарадзе (Закарпацкая вобласць), Бярдзянску (Запарожская вобласць), Драгобычы (Львоўская вобласць), Львове, Мікалаеве, Палтаве, Роўне, Чаркасах. Усяго ў гэтым галасаванні змогуць прыняць удзел больш за 2,75 млн выбаршчыкаў. Акрамя таго, у 15 рэгіёнах праходзіць другі тур выбараў дэпутатаў 47 мясцовых саветаў у тэрытарыяльных супольнасцях з колькасцю выбаршчыкаў да 10 тыс. У галасаванні, якое ідзе на 86 выбарчых участках, у агульнай складанасці могуць прыняць удзел каля 43 тыс. выбаршчыкаў.

Выбар рэдакцыі

Культура

У Кіеве Уладзімір Караткевіч цудам выратаваўся ад аварыі і двойчы закахаўся

У Кіеве Уладзімір Караткевіч цудам выратаваўся ад аварыі і двойчы закахаўся

Горад, «дзе былі помнікі і прыгожыя будынкі, зялёныя бульвары і ціхія хаткі на ўскраінах, дзе быў нават універсітэт, а значыцца, існавала г

Грамадства

Прафесар Мiкалай Запрудскі: Вера ў дзiця — галоўны падарунак

Прафесар Мiкалай Запрудскі: Вера ў дзiця — галоўны падарунак

Для паспяховых школ характэрны клiмат высокiх чаканняў.

Грамадства

Гродзенец наводзiць парадак на зямлi i аднаўляе старажытны млын

Гродзенец наводзiць парадак на зямлi i аднаўляе старажытны млын

Гэтыя мясцiны Яўген Дарагуш памятае з дзяцiнства.

Спорт

Любоў Чаркашына: Мастацкая гiмнастыка — гэта цэлы свет

Любоў Чаркашына: Мастацкая гiмнастыка — гэта цэлы свет

Мастацкая гiмнастыка — гэта любоў. У выпадку з беларускай гiмнастыкай можна сказаць, што гэта яшчэ i Любоў Чаркашына.