Вы тут

Што можна купіць на новым харчовым рынку пад Мінскам


Новы харчовы рынак не так даўно адкрыўся на плошчах гандлёвага комплексу «Валяр’янава» Мінскага раёна. Аб’ект знаходзіцца на выездзе са сталіцы па Лагойскім тракце на аўтатрасе М3. Гэты сучасны чатырохпавярховы будынак плошчай каля 20 тысяч квадратных метраў разлічаны на 150 гандлёвых месцаў. На першым паверсе фізічныя асобы і фермеры гандлююць усімі відамі сельскагаспадарчай прадукцыі, якую вырасцілі або вырабілі на ўласных падворках.


На рынку фірменныя магазіны адкрылі таксама найбуйнейшыя вытворцы цэнтральнага рэгіёна: Мінскі гармалзавод №1, агракамбінаты «Ждановічы» і «Дзяржынскі», Барысаўскі мясакамбінат, «Велес-Міт».

Рынак разлічаны на продаж арганічных прадуктаў. Але пакуль тут цяжка знайсці тавары з маркіроўкай «ЭКА». У Беларусі няма лабараторыі, якая б выдавала адпаведныя сертыфікаты. У перспектыве яна павінна з’явіцца. Разам з тым прадукцыя падпадае пад катэгорыю «натуральная». Яна карпатліва правяраецца лабараторыяй перад тым, як трапіць на прылаўкі.

Цэны на рынку практычна такія ж як на Камароўцы. Нешта крыху даражэй, а штосьці — танней. Выбар прадуктаў, як мясных, так і малочных, садавіны, агародніны даволі шырокі, на любы смак і густ. Можна таксама набыць замежныя далікатэсы, пра якія, упэўнена, многія беларусы не чулі. Напрыклад, арэхі пекан.

Таццяна ЛАЗОЎСКАЯ

Фота Яна ХВЕДЧЫНА


Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»