Вы тут

Скарбы роднай мовы - дзецям


Рыгор Барадулін. Сем янотаў. Мінск, Мастацкая літаратура, 2020.

У серыі “Жывая класіка дзецям”, якая палюбілася ўжо маленькім беларусам, выйшлі вершы нашага знакамітага паэта Рыгора Барадуліна (укладальніца Аксана Спрынчан). Як заўсёды, мастацкія вобразы ў класіка вызначаюцца арыгінальнасцю, наватворы здзіўляюць, гукапіс і рытмічныя знаходкі ствараюць незабыўнае ўражанне. Тэматыка вершаў адлюстоўвае як безумоўны аўтарскі прафесіяналізм, так і ўнікальнасць яго светабачання. Ніводнага банальнага тэксту – да кожнага верша Рыгор Барадулін паставіўся з ўласцівай яму гранічнай адказнасцю перад словам. А што са зместам? Маленькія чытачы даведаюцца, на каго злуецца гром, чаму дождж босы, як гэта – рагатаць напярэймы з рэхам, навошта яноты вучылі ноты і чым гэта скончылася, дзе ў шэршня джала, хто такія Кундаль, Вурдаль і Жудзель, ці варта кошкам насіць басалапкі – па аналогіі з басаножкамі (не варта, бо “басанож яно ж цішэй падкрадацца да мышэй”), чаму такі смачны “снег з рудым загарам” і што гэта за “рыжае полымя” скача з дрэва на дрэва. Ёсць у кнізе гісторыі пра вярблюда, які збіраўся ў госці да зубра ў Белавеж, пра сурка, што старанна лічыў сарок. Кожны верш варты неаднаразовага прачытання – у тым ліку і для таго, каб лепей ацаніць скарбы беларускай мовы, якія шчодра рассыпае перад намі аўтар, нібы той босы дождж – свае дарункі лесу і палям.  

Алена БРАВА

Выбар рэдакцыі

Грамадства

Гродзенскі заапарк без страт выходзіць з зімоўкі і рыхтуецца да новага сезона

Гродзенскі заапарк без страт выходзіць з зімоўкі і рыхтуецца да новага сезона

Літаральна нядаўна з'явіўся і першы ў гэтым годзе прыплод.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.