З Xiaomi Mi Band 6 можна будзе адказваць на SMS і паведамленні ў месенджарах

У бранзалеце Mi Band 6 павінен з'явіцца ўласны GPS-датчык, які дапаможа часткова пазбавіцца ад прывязкі да смартфона. Але гэта не будзе самай ўражлівай асаблівасцю навінкі. Згодна з файламі лакалізацыі праграмы Mi Fit, новы бранзалет атрымае доўгачаканую функцыю адказу на паведамленні прама з бранзалета, паведамляе lifehacker.ru.

Згодна з кодам, гэта будзе рэалізавана ў спрошчанай форме: пры атрыманні паведамлення вы зможаце правесці па ім, націснуць «Адказаць» і выбраць адну з некалькіх загадзя зададзеных опцый. Да прыкладу, па змаўчанні будуць такія варыянты:

• Я на нарадзе, адкажу пазней.
• Я за рулём, звяжыцеся пазней.
• Я не магу адказаць прама зараз, адкажу пазней.

Гэта вельмі базавыя опцыі — але карыстальнік зможаце наладжваць уласныя хуткія адказы праз Mi Fit. Цікава, што гэта павінна працаваць не толькі з SMS, але і з паведамленнямі з іншых праграм накшталт WhatsApp і Telegram.

Раней паведамлялася, што Mi Band 6 атрымае NFC і датчык SpO2 для вымярэння ўзроўню кіслароду ў крыві.