За першыя чатыры дні сакавіка ў Мінску адрамантавалі больш за 4 тыс. кв. м дарожнага палатна

З пачатку сакавіка ў сталіцы адрамантавалі 4 171 кв. м дарожных пакрыццяў. Пра гэта агенцтву «Мінск-Навіны» паведаміў намеснік генеральнага дырэктара ДВА «Гаррамаўтадар Мінгарвыканкама» Уладзімір Латушкін.

Для параўнання: у студзені рамонт выканалі на 8 774 кв. м пакрыццяў, у лютым — на 22 524 кв. м. Лідарства па аб’ёмах работ, якія ажыццяўляліся з пачатку года, — ва УП «Рэмаўтадор Савецкага раёна» (4 843 кв. м).

Капрызнае надвор’е прыкметна паўплывала на стан праезнай часткі. Пра гэта сведчыць і статыстыка дарожнікаў: за студзень — люты спатрэбілася адрамантаваць 35 469 кв. м пакрыццяў, за аналагічны перыяд 2020 г. — 11 695 кв. м, 2019-га — 25 245 кв. м.

Прэв’ю: МН