У сакавіку ў нас заўсёды так: замест стабільнага цяпла — тэмпературныя арэлі. Вось і ў першай палове тыдня адзначаўся павышаны тэмпературны рэжым, але потым перыяд адлігі змяняецца зімовым характарам надвор'я.
Ужо сёння ўдзень у многіх раёнах пройдзе кароткачасовы снег і мокры снег. На асобных участках дарог чакаецца галалёдзіца. Максімальная тэмпература паветра складзе ад нуля да плюс 6 градусаў.
20 сакавіка, у дзень веснавога раўнадзенства, на надвор'е будзе ўплываць вобласць павышанага атмасфернага ціску, сфарміраваная ў халодным паветры. Паменшыцца колькасць аблокаў, у дзённыя гадзіны ўсё часцей стане свяціць сонца. Уначы і раніцай на асобных участках дарог чакаецца галалёдзіца. Вецер прагназуецца паўночны, удзень з пераходам на заходні ўмераны. Тэмпература паветра ўначы складзе 3-9 марозу, удзень — ад нуля да плюс 5 градусаў.
Таксама будзе сонечна і ў нядзелю. У гэты дзень у асноўным захаваецца ўплыў вобласці павышанага атмасфернага ціску. Толькі раніцай і ўдзень у паўночна-заходніх раёнах Беларусі адаб'ецца ўплыў атмасфернага фронту, тут пройдуць кароткачасовыя ападкі, у асноўным мокры снег. Уначы і раніцай на асобных участках дарог магчымая галалёдзіца. Вецер прагназуецца заходні парывісты, раніцай і ўдзень у асобных раёнах моцны парывісты. Тэмпература паветра ўначы складзе 3-8 марозу, удзень — ад мінус 1 градуса да 6 цяпла.
У панядзелак надвор'е будуць фарміраваць франтальны раздзел і няўстойлівая паветраная маса, якая паступае з паўночнага захаду Еўропы. Зноў павялічыцца і ўшчыльніцца воблачнасць. Уначы на большай частцы тэрыторыі краіны, удзень месцамі пройдзе кароткачасовы снег і мокры снег. У начныя і ранішнія гадзіны ў асобных раёнах чакаюцца слабыя туман і галалёд, на дарогах галалёдзіца. Вецер прагназуецца заходні з пераходам на паўночны ўмераны. Тэмпература паветра ўначы складзе ад нуля да мінус 7 градусаў, удзень — ад мінус 1 да 6 цяпла.
Паўночны вецер чакаецца і ў аўторак. Будзе пераменная воблачнасць пераважна без ападкаў. Уначы і раніцай на асобных участках дарог магчымая галалёдзіца. Тэмпература паветра ўначы складзе ад 1 да 8 марозу, месцамі — да мінус 10 градусаў. Удзень будзе ад 1 да 8 градусаў са знакам плюс. Нягорача — пакуль.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
