Пасля завяршэння выпрабаванняў плануецца выпуск доследнай партыі, а затым і серыйны выпуск AMKODOR RT140A, інфармуе прэс-служба прадпрыемства
У ЗАТ «Амкадор-Пінск» пачаліся першасныя выпрабаванні інавацыйнай мадэлі вібрацыйнага самаходнага двухвальцовага шарнірна-сучлененага дарожнага катка AMKODOR RT140A. У бліжэйшы час для працягу выпрабаванняў машына будзе перададзена КУП «Брэстаблдарбуд».
Машына AMKODOR RT140A распрацавана ў ЗАТ «Амкадор-Пінск» пры падтрымцы інавацыйнага фонду Брэсцкага абласнога выканаўчага камітэта. Яна прызначана для эфектыўнага ўшчыльнення асфальтабетонных пакрыццяў і іх шчабенчатых, гравійных, шлаковых падстаў пры будаўніцтве і рамонце аўтамабільных дарог, аэрадромаў, прамысловых пляцовак. Акрамя таго, рулявое кіраванне мае рэжым «малы радыус», ён складае ўсяго 5 метраў. Гэтыя асаблівасці канструкцыі робяць машыну мабільнай нягледзячы на яе вялікія памеры.
На машыне можа дадаткова ўсталёўвацца інтэлектуальная сістэма кантролю ўшчыльнення асфальту.
Праца аператара на новым катку будзе камфортнай дзякуючы ўсталяванаму ў кабіне паваротнаму сядзенню, кіраванню з дапамогай джойсціка, адсутнасці вібрацыйнага ўздзеяння ад сілавой ўстаноўкі, а таксама магчымасці добрага агляду сістэмы арашэння і працоўных паверхняў.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
