Пачаўся першы этап вучэнняў корпуса сіл СНД

У ім прынялі ўдзел 7 краін, паведамляе прэс-служба МНС

6 мая на базе РЦКРЗС ў фармаце відэаканферэнцыі быў праведзены першы этап поўнамаштабных вучэнняў Корпуса сіл СНД для ліквідацыі наступстваў надзвычайных сітуацый прыроднага і тэхнагеннага характару на тэму «Ліквідацыя наступстваў разбуральнага землятрусу».

У ходзе мерапрыемства удзельнікамі вучэнняў былі адпрацаваны пытанні абмену аператыўнай інфармацыяй паміж дзяжурнымі зменамі надзвычайных ведамстваў дзяржаў-удзельніц СНД (Арменія, Беларусь, Казахстан, Кіргізія, Расія, Таджыкістан і Узбекістан) пры ўзнікненні ўмоўнага землятрусу на тэрыторыі Сахалінскай вобласці Далёкаўсходняй федэральнай акругі Расійскай Федэрацыі.

12 мая на палігоне Нагінскага выратавальнага цэнтра МНС Расіі пройдзе другі этап вучэнняў, дзе пошукава-выратавальныя атрады дзяржаў-удзельніц СНД паставяць свае базавыя лагера і арганізуюць працу міжнароднага палявога каардынацыйнага цэнтра.